Asturias
O Goberno do Principado pon en marcha unha campaña para animar o alumnado a matricularse na materia de Lingua Asturiana
A campaña #Apúntate ten como finalidade animar o alumnado a matricularse para o vindeiro curso nas materias de Lingua e Literatura Asturianas e de Galego-Asturiano.
Fonte: El Digital de Asturias
O Concello de Xixón debate o seu plan de normalización lingüística do asturiano
A comisión de Servizos e Benestar Social do Concello de Xixón inclúe na súa orde do día a proposta de aprobación do Plan de normalización lingüística, un texto que terán que analizar os grupos municipais antes de ir a Pleno.
Fonte: La Nueva España
RTVE apoiará a inclusión do asturiano nos seus contidos televisivos e radiofónicos
A administradora provisional única da Corporación RTVE, Rosa María Mateo, afirmou que a radio e a televisión públicas apoiarán a inclusión da lingua asturiana nos seus contidos.
Fonte: La Vanguardia
Convócase a primeira edición do concurso Formientu de guións de curtametraxe en asturiano ou galego-asturiano
Ao Concurso de guión de curtametraxe Formientu pódense presentar guións orixinais e inéditos, escritos en asturiano ou galego-asturiano e cunha extensión máxima de dez páxinas.
Fonte: El Búscolu
Demandan que a lingua asturiana teña un papel protagonista nas campañas de promoción da sidra
A XDLA lamenta que o Goberno do Principado e o Consello Regulador DOP Sidra de Asturias ignorasen o emprego da lingua asturiana en dúas importantes campañas.
Fonte: AsturNews
Piden unha reforma do Estatuto de Autonomía de Asturias para oficializar o asturiano e o galego-asturiano
Co gallo da celebración do Día das Letras Asturianas, un deputado de Podemos insistiu na necesidade de reformar o Estatuto de Autonomía do Principado para declarar a oficialidade do asturiano e o galego-asturiano.
Fonte: Galicia Confidencial
Ponse en marcha nas redes sociais unha mobilización para pedir a oficialidade do asturiano
A Xunta pola Defensa de la Llingua Asturiana organizou para o 8 de maio unha campaña nas redes sociais co obxectivo de que a xente publique frases a favor da oficialidade do asturiano co cancelo #Oficialidá.
Fonte: 20minutos
O Concello de Avilés ofrece un ciclo de actividades virtuais en asturiano para persoas adultas
O ciclo "Pa que nun t'aburras: Cocina, Visita y Caleyavilés", dirixido ao público adulto, desenvolverase entre os días 20 e 24 de abril. Consta de cinco actividades virtuais e gratuítas en asturiano que ofrecen alternativas culturais e de lecer, como un obradoiro de cociña, unha exposición virtual...
Fonte: La Nueva España
Xa está dispoñible na rede o documental 'El valir económicu d'una llingua'
O documental El valir económicu d'una llingua presenta o asturiano como un elemento de dinamización empresarial, así como de creación de empresas e de xeración de emprego e riqueza.
Fonte: Asturies.com
Ponse en marcha unha campaña en asturiano para homenaxear as avoas do Principado
A marca Puru Remangu impulsa a campaña #30DíesConRemangu, unha iniciativa coa que se pretende que ao longo do mes de marzo a rede social Instagram se encha de historias de avoas asturianas.
Fonte: La Vanguardia
Boletín
Subscríbase ao boletín
