O posto de Iniciativa polo Asturiano contará este ano coa presenza de 14 empresas, o que supón o dobre de participación respecto ao ano anterior. Todas elas empregan o asturiano para a promoción dos seus produtos e aproveitarán a magnitude deste evento, polo que se espera pasen máis de 700 000 persoas, para dalos a coñecer.

Fonte: Asturies.com

A Wikipedia en asturiano foi inaugurada en 2004, e rapidamente acadou o posto número 84 en importancia. Actualmente, atópase no posto 63, co que se sitúa como unha das linguas minorizadas con maior presenza nesta enciclopedia libre.

Fonte: Asturies.com

A iniciativa da Universidade Asturiana de Verán (UABRA), que conta coa colaboración da Academia da Lingua Asturiana e a Universidade de Oviedo, inclúe este ano unha primeira edición do curso de galego-asturiano para mestres e un de capacitación para a tradución ao asturiano.  

Fonte: La voz de Asturias

A Plataforma pola Oficialidade do Galego-Asturiano e a Xunta pola Defensa da Lingua Asturiana criticaron que o acordo de investidura entre a Fundación Socialista Asturiana (FSA) e Esquerda Unida (EU) nomee o galego-asturiano como "eo-naviego".

Fonte: 20 minutos

A Xunta pola Defensa da Lingua Asturiana criticou que os grupos políticos FSA (Federación Socialista Asturiana) e Esquerda Unida, que asinaron o acordo para gobernar a rexión, non se comprometan claramente coa oficialidade do asturiano.

Fonte: El Comercio

Nace en Asturias a asociación Sabiencia que se centrará na difusión da ciencia e o desenvolvemento da cultura científica por medio do asturiano. O acto de inauguración abriuse coa presentación dun nomenclátor de seres vivos en lingua asturiana.

Fonte: La Nueva España

Este decreto regulará, a partir da súa aprobación, o uso e promoción da lingua asturiana e disporá as certificacións que acrediten o coñecemento desta lingua así como as probas de nivel correspondentes dentro do marco europeo. O acceso aos exames estandarizados producirase a partir do vindeiro curso.

Fonte: Asturnews

Lanzada pola Consellería de Educación e Cultura de Asturias, a campaña #YOAPÚNTOME está dirixida a alumnos e alumnas dos centros educativos públicos da comunidade. Promove o ensino do asturiano como unha ferramenta para mellorar a competencia comunicativa e axudar na aprendizaxe doutras linguas. 

Fonte: La Voz de Asturias

Iniciativa pol Asturianu, a ONG organizadora, vén de facer pública a nova sobre a celebración deste campamento. Dirixido cara á mocidade de entre 6 e 16 anos, este campamento contará cun equipo de monitores e monitoras falantes de asturiano que realizarán todas as actividades nesta lingua. 

Fonte: El Búscolu

Concretamente, podería supor a creación de máis de 10 000 postos de traballo e ao redor do 2 % do PIB asturiano. Son estimacións baseadas nos resultados obtidos na Comunidade Valenciana, no País Vasco e en Galicia sobre o estudo do impacto das súas linguas na economía. Os datos revelan que en todas elas, como mínimo, o 2 % do PIB  (4 % no caso vasco), entre 30 e 50 mil postos de traballo e máis de mil millóns de euros dependen deste impacto.

Fonte: La Voz de Asturias