Asturias
Convócase o concurso #lamiollinguaye para aumentar a presenza asturiano nas redes sociais
Co gallo da celebración do Día Internacional da Lingua Materna, Iniciativa pol Asturianu organiza o concurso #lamiollinguaye co que pretende darlle maior presenza ao asturiano nas redes sociais.
Fonte: Asturnews
A canle PlayPresta e a produtora Cuatro Gotes convocan o primeiro concurso de youtubers en asturiano
O concurso '¡Yes youtuber!' está destinado a xente de todas as idades e está aberto a todas as propostas posibles, dende opinión a entretemento, videotitoriais, telerrealidade, ficción etc.
Fonte: Asturies.com
Piden que a nova dirección da Televisión do Principado de Asturias aposte polo uso do asturiano
O colectivo Iniciativa pol Asturianu solicitou o nomeamento dunha directora ou director da TPA que aposte por unha programación que contribúa a normalizar o asturiano e o galego-asturiano, despois dun período de retroceso das emisións en lingua asturiana que quedaron reducidas ao 1 %..
Fonte: La Nueva España
Denuncian a falta de profesorado de Lingua Asturiana
As carencias de profesorado da materia de Lingua Asturiana nalgúns centros educativos do Principado son motivo de preocupación para o Sindicato de Ensino de CCOO que denuncia o empeoramento da situación con respecto ao curso pasado.
Fonte: 20minutos
A Organización das Nacións Unidas realizará un informe sobre a situación da lingua asturiana
O relator especial das Nacións Unidas sobre as minorías mantivo unha reunión co presidente da organización Iniciativa pol Asturianu para coñecer a situación da lingua asturiana e dos dereitos lingüísticos dos seus falantes, para logo emitir un informe ao respecto.
Fonte: La Nueva España
Denuncian a marxinación da lingua asturiana na Radiotelevisión do Principado de Asturias
A Xunta pola Defensa da Lingua Asturiana denunciou nun comunicado a marxinación que sofre o asturiano na Radiotelevisión do Principado de Asturias, incumprindo así a lexislación vixente que determina que debe ser unha ferramenta para a promoción deste idioma.
Fonte: Infoasturies.com
Unha asociación pide que o Rei Felipe VI empregue tamén o asturiano no discurso de Nadal
A plataforma Iniciativa pol Asturianu demandou que o Rei Felipe VI empregue o asturiano, xunto ás outras linguas do Estado, no discurso de Nadal.
Fonte: 20 minutos
O Goberno do Principado entrega os premios literarios en lingua asturiana deste ano
A Consellería de Educación e Cultura entrega no paraninfo da Universidade de Oviedo os seis premios literarios en asturiano convocados este ano, que teñen como obxectivo consolidar esta lingua como vehículo de expresión literaria.
Fonte: El Búscolu
A Xunta reúnese en Oviedo co comité de expertos encargado do seguimento da carta europea das linguas
A Xunta de Galicia reuniuse en Oviedo co comité de expertos encargado do seguimento da Carta Europea das Linguas Rexionais ou Minoritarias (CELRM), o tratado internacional subscrito por España e ratificado no ano 2001 a prol do uso das linguas cooficiais.
Fonte: O Portal da Lingua Galega
Un novo decreto establece os niveis de competencia da lingua asturiana
O Boletín Oficial do Principado publicou o decreto polo que se establecen cinco niveis de competencia do asturiano adaptados ao Marco Común Europeo de Referencia para as Linguas.
Fonte: La Voz de Asturias
Boletín
Subscríbase ao boletín
