Unha organización solicítalle ao Goberno do Principado o emprego do asturiano nas campañas e as marcas das Indicacións Xeográficas Protexidas, Consellos Reguladores e Denominacións de Orixe, ademais de na campaña de “Alimentos do Paraíso”.

Fonte: 20minutos

A Universidade de Oviedo acolleu a presentación dunha tese de doutoramento do xornalista e profesor Inaciu Galán que trata a situación da lingua asturiana durante o franquismo.

Fonte: AsturNews

O novo Plan de normalización lingüística 2020-2023 do Concello de Xixón inclúe 89 medidas, a maioría recollidas xa no plan 2016-2019 ás que se suman algunhas que fan referencia ao impulso do asturiano entre a mocidade ou á necesidade de fixar unha presenza mínima desta lingua nas actividades do Consistorio, entre outras.  

Fonte: El Comercio

A campaña de produtos lácteos inclúe o texto 'Cola lleche fresca de 50 granxes familiares asturianes', o que, segundo Iniciativa polo Asturiano, confirma o uso da lingua como un factor positivo para a creación empresarial, que permite o contacto directo cos consumidores, diferencia a marca e achégalle valor engadido.

Fonte: Asturies.com

Esta votación ten como obxectivo que a cidadanía coñeza as novas publicadas sobre o asturiano durante o 2019, que cada ano crecen en número, así como facer un repaso aos principais temas tratados, o que evidencia o traballo realizado por Iniciativa polo Asturiano.

Fonte: Infoasturies

A Xunta pola Defensa da Lingua Asturiana organiza o evento, denominado A banda sonora da oficialidade, no que quince artistas actúan para reivindicar unha reforma do Estatuto de Autonomía que recoñeza a oficialidade do asturiano e faga transcender a lei de usos e promoción desta lingua, actualmente en vigor.

Fonte: La Nueva España

Os orzamentos dedicados ao asturiano pasan de 1 7037 630 euros a 1 904 630, o que supón un incremento de 201 000 €, unha cantidade que representa o 0,04 % do total. As partidas máis importantes son as destinadas á televisión pública, ao novo servizo de normalización lingüística da Universidade de Oviedo e á Academia da Lingua Asturiana.

Fonte: El Comercio

O servizo de normalización reforzará a coordinación á hora de realizar proxectos e optimizar recursos, especialmente no referido á elaboración e difusión de campañas e cursos para adultos.

Fonte: La Voz de Asturias

Os partidos do actual goberno de Oviedo eliminaron as partidas orzamentarias que deberían dedicarse ao asturiano en 2020: a relativa a unha oferta pública de emprego como coordinador/a en lingua asturiana e a destinada a subvencionar a Academia da Lingua Asturiana.

Fonte: Asturies.com

Iniciativa polo Asturiano solicítalles aos deputados de Asturias que acheguen esta necesidade ao Goberno central para así recoñecer e mellorar as condicións dos docentes de lingua asturiana ao considerar que se atopan nunha situación de desigualdade respecto a mestres e mestras doutras materias.

Fonte: La Voz de Asturias