A Asociación pola Defensa das Linguas e as Culturas Ameazadas pediu por unanimidade que se respectasen os dereitos dos falantes de asturiano. Nunha resolución feita pública pola asociación, solicitaron unha serie de medidas ao presidente do Principado de Asturias baseándose na "vontade dunha gran maioría de asturianos que, despois de anos, reclama o respecto aos seus dereitos como falantes de asturiano".

Fonte: La Voz de Asturias

A organización de Xuristas polo Asturiano acaba de presentar un texto no que lle esixe a Televisión Española que cambie a política de emisións desde o Centro Territorial de Asturias, xa que estas retransmisións se fan en castelán e non en asturiano.

Fonte: Asturnews

Sete de cada dez alumnos asturianos menores de seis anos xa estudan unha lingua estranxeira no colexio. Os centros asturianos só ofrecen inglés, pero outras rexións tamén teñen francés e alemán.

Fonte: La Voz de Asturias

O Boletín Oficial do Principado de Asturias publicou a resolución da Consellería de Cultura e Turismo do Goberno de Asturias pola que se conceden e denegan subvencións para o fomento da tradución e/ou edición noutras linguas de obras escritas orixinalmente en asturiano ou galego-asturiano.

Fonte: Asturnews

O 56,6 % dos alumnos de primaria na escola pública asturiana matriculouse este curso na materia de Lingua asturiana, unha porcentaxe superior nun punto á do pasado ano. Pero as cifras, na concertada, seguen sendo especialmente baixas, con tan só un 6,8 % do total de matriculados.

Fonte: La Nueva España

O profesor Ramón d'Andrés presentou os avances do Proxecto ETLEN, do Seminario de Filoloxía Asturiana, que busca "medir a fronteira entre asturleonés e galego-portugués".

Fonte: ASTURNEWS

O sindicato SUATEA informou das irregularidades que se están producindo no sistema educativo asturiano. Segundo o sindicato, este curso está "fóra da lei" debido aos recortes nos cadros de persoal de asturiano e galego-asturiano.

Fonte: ASTURNEWS

O Bloque por Asturias (BA) presentou na Xunta Xeral do Principado unha proposición para instar o Goberno de España á creación da especialidade de profesor de lingua asturiana.

Fonte: La Nueva España

Dentro do labor de renovación léxica que se desenvolve no proxecto Terminoloxía Asturiana (TERMAST) da Academia da Lingua Asturiana, inclúese unha nova proposta, dedicada esta vez á terminoloxía dos conceptos básicos da física.

Fonte: ASTURNEWS

A Academia da Lingua Asturiana (ALLA) organiza dúas convocatorias anuais de coñecemento da lingua nas que se poden avaliar os coñecementos básicos de asturiano. A institución ten aberta a convocatoria de xaneiro, que se celebrará o día 29, con dúas partes, unha de lingüística e outra de lingua e sociedade, que inclúen unha proba escrita e outra oral.

Fonte: Asturnews