Asturias
Xa se pode ler en liña a primeira tese de doutoramento tramitada por completo en asturiano
A Universidade de Oviedo acaba de pór en liña a tese de doutoramento de Xuan Santori Vázquez, titulada “O papel dos escritores do Rexurdimento na recuperación do asturiano: a visión do escritor”. Trátase dunha tese redactada en asturiano que puido facer todos os trámites, por primeira vez, nesta lingua.
Fonte: Asturnews
Iniciativa polo Asturiano amosa o seu descontento coa falla de uso da toponimia oficial e o asturiano en Xixón
Iniciativa polo Asturiano fixo chegar ao concelleiro de Cultura, Educación e Festas de Xixón, Carlos Rubiera, o seu descontento sobre o uso do asturiano por parte do concello.
Fonte: Asturnews
Nace unha asociación para fomentar o uso do asturiano entre os rapaces de cero a seis anos
Naceu una nova asociación, Reciella, que ten por obxectivo transmitir e promover a lingua asturiana vehicular entre os nenos de cero a seis anos.
Fonte: Europa Press
Reclámanlle ao Concello de Mieres que teña a páxina web tamén en asturiano
A formación política Conceyu Abierto por Mieres pediu que a páxina web do Concello de Mieres "estea tamén en asturiano”. Denuncian que esta páxina web “non ofrece aos usuarios da rede a posibilidade de visualizala en lingua asturiana”.
Fonte: Asturnews
A Xunta pola Defensa da Lingua Asturiana cre que a nova lei de educación agravará a marxinación do asturiano
A Xunta pola Defensa de la Lingua Asturiana rexeita completamente os plans do ministro de Educación, Cultura e Deporte, José Ignacio Wert, para a futura lei de educación, que suporá tamén un ataque ao ensino da lingua asturiana.
Fonte: Europa Press
Iniciativa polo Asturiano critica a “política de marxinación” do bable que exerce a Fundación Príncipe de Asturias
A través dun comunicado, o colectivo apuntou que a Fundación non posibilita visitar a súa páxina web en asturiano, aínda que pode lerse ata en once linguas, e tampouco inclúe o bable en ningún acto da Semana de Premios.
Fonte: 20 Minutos
A Xunta pola Defensa da Lingua Asturiana lamenta a supresión da categoría de asturiano dos Premios da Crítica
A Xunta pola Defensa da Lingua Asturiana lamentou profundamente a decisión final da Asociación de Escritoras de Asturias de non incluír nos XIII Premios da Crítica de Asturias aos escritores en lingua asturiana.
Fonte: Europa Press
Asturias acolle a gala final do Festival Liet Internacional de linguas minoritarias
O teatro Laboral Cidade da Cultura, en Xixón, acollerá a gala final do Festival Liet Internacional 2012, na que participarán once grupos que representan a diferentes linguas minoritarias de Europa.
Fonte: Europa Press
Pídenlles un maior compromiso aos concellos e Goberno de Asturias sobre os servizos de normalización lingüística
Despois de saber que o Goberno asturiano recortará un 20 % o orzamento que destina aos servizos de normalización lingüística, a Xunta pola Defensa da Lingua Asturiana pediulles aos concellos que “amosen o seu compromiso con estas entidades e cos postos de traballo que xeran”.
Fonte: Asturnews
Máis de 20 500 alumnos asisten este curso a clases de lingua asturiana en Primaria e Secundaria
Nos centros asturianos públicos de ensino primario e secundario hai uns 20 500 alumnos que estudan a lingua asturiana.
Fonte: El Comercio
Boletín
Subscríbase ao boletín
