Asturias
Denuncian que o alcalde de Noreña segue prohibindo o uso do asturiano
O alcalde de Noreña, Cesar Movilla, é coñecido polo seu odio contra o asturiano, que o levou en máis dunha ocasión a tratar de prohibir o seu uso no pleno e nas actividades do concello. Agora dáse un novo caso de represión lingüística protagonizado por el, xa que se nega a tramitar dúas solicitudes de documentación de Conceyu Abiertu por Noreña por estar escritas en asturiano.
Fonte: Asturnews
Xa está dispoñible a Axenda Didáctica Escolar de actividades en asturiano
A Consellería de Educación, Cultura e Deporte, a través da Dirección Xeral de Política Lingüística, organiza, en colaboración coa Asesoría de Ensino de Lingua Asturiana e seguindo coas iniciativas de uso, promoción lingüística e apoio ao labor educativo, a Axenda Didáctica Escolar.
Fonte: Asturnews
Iniciativa polo Asturiano leva os problemas lingüísticos de Asturias ao Congreso dos Deputados
O presidente de Iniciativa polo Asturiano, Inaciu Galán, vai reunirse no Congreso dos Deputados en Madrid cos deputados da circunscrición asturiana para tratar cuestións “como a situación do asturiano coa nova reforma educativa, o uso da toponimia oficial asturiana nas estradas estatais e outras cuestións que afectan á lingua asturiana no ámbito estatal”.
Fonte: Asturnews
Profesores e partidarios da lingua asturiana piden a súa dignificación na nova lei de educación
Un grupo de profesores e de defensores da lingua asturiana concentrouse no centro de Oviedo para pedir a “dignificación” deste idioma como materia na nova Lei de educación.
Fonte: La Nueva España
A asociación N’Ast pide a oficialidade como solución para a situación do asturiano no ensino
Desde N’Ast salientaron que "a calamitosa situación que lle espera á lingua asturiana no sistema educativo e, por extensión, ao profesorado que imparte a materia, non vai depender da Lei orgánica para a reforma da calidade educativa (LOMCE), senón da ausencia de oficialidade”.
Fonte: Info Asturies
A iniciativa Spanish Up, posta en marcha en Asturias, achega o estilo de vida, a cultura e a lingua chinesas aos españois
O grupo de empresas da Cidade Tecnolóxica de Valnalón foi novamente a base para a creación dunha nova compañía, Spanish Up. Esta iniciativa nace ao mesmo tempo en China, onde xa está instalada cunha plataforma virtual que ofrece cursos de español, e en Langreo.
Fonte: El Comercio
Denuncian o retroceso na normalización da lingua asturiana en Xixón
O grupo municipal de IU-LV de Xixón denunciou que desde a chegada do equipo de goberno (Foro) á Alcaldía produciuse un gran retroceso na normalización da lingua asturiana na cidade. O voceiro da coalición, Jorge Espina, advertiu en rolda de prensa que Foro incumpre a ordenanza municipal aprobada en materia de normalización lingüística.
Fonte: La Nueva España
Miles de persoas piden en Oviedo a oficialidade da lingua asturiana
O bo tempo e o ambiente reivindicativo que vive a sociedade nestes meses serviron para que a Manifestación pola Oficialidade en Oviedo tivera unha moi boa participación, mellorando con respecto a outros anos.
Fonte: Asturnews
Esquerda Unida propón que o Concello de Oviedo adopte o uso da lingua asturiana
O grupo municipal de Esquerda Unida no Concello de Oviedo presentou unha proposición urxente para que o municipio adopte o uso do asturiano. Esquerda Unida solicita que o Concello se comprometa a tramitar aqueles escritos que os cidadáns lle dirixan en asturiano e que para isto forme os funcionarios municipais no uso do bable.
Fonte: La Nueva España
O pleno do Concello de Oviedo aproba redactar unhas ordenanzas de uso do asturiano
Tras a denuncia de Iniciativa polo Asturiano dun caso de discriminación no rexistro do Concello de Oviedo, o pleno municipal aprobou por unanimidade redactar unhas ordenanzas de uso do asturiano, que eviten máis casos coma este.
Fonte: Infoasturies
Boletín
Subscríbase ao boletín
