Asturias
Unha manifestación reivindica a oficialidade da lingua asturiana
Arredor de 5000 persoas manifestáronse para pedir a oficialidade do asturiano, unha reivindicación á que este ano se sumaron representantes de oitenta concellos.
Fonte: Asturies.com
O Concello de Oviedo pon en marcha unha campaña para animar á matriculación na materia de Lingua Asturiana
A I Campaña de matriculación na materia de Lingua Asturiana para o curso 2016/2017 está destinada ao alumnado de Primaria, ESO e Bacharelato.
Fonte: El Comercio
Bimenes declara o asturiano como lingua oficial do concello
O Pleno de Bimenes declara o asturiano como lingua oficial do concello. Esta declaración realizarase na Semana da Oficialidade, unha semana de celebracións referentes á lingua asturiana.
Fonte: Asturies
As subvencións a medios de comunicación en asturiano aumentan en 2016
As axudas para medios de comunicación en lingua asturiana aumentan en 10 000 euros, polo que se frea a tendencia de recortes dos últimos anos. O aumento total das axudas é do 5,26 %.
Fonte: Asturies
A Xunta pola Defensa da Lingua Asturiana presenta un libro sobre a presenza do asturiano na televisión pública
A Xunta pola Defensa da Lingua Asturiana (XDLA, polas súas siglas en asturiano) presenta o libro La tele que queremos; televisión pública y reivindicación llingüística n’Asturies que recolle documentos sobre a presenza do asturiano na Radio Televisión do Principado de Asturias (RTPA).
Fonte: El Digital de Asturias
A Xunta pola Defensa da Lingua Asturiana concéntrase para reivindicar os dereitos lingüísticos
Esta concentración organizada pola Xunta pola Defensa da Lingua Asturiana tivo lugar na Delegación do Goberno e o seu obxectivo foi reivindicar os dereitos lingüísticos e a oficialidade da lingua asturiana.
Fonte: Europa Press
A Delegación do Goberno de Asturias pídelle ao Concello de Noreña que anule a oficialidade do asturiano
A Delegación do Goberno envioulle ao Concello un requirimento de anulación das novas ordenanzas municipais sobre o emprego do asturiano en documentos oficiais.
Fonte: Asturies
A Avogacía do Estado presenta un recurso contra o Plan de normalización lingüística do Concello asturiano de Carreño
O recurso presentado demanda a anulación do Plan de normalización lingüística da lingua asturiana do Concello de Carreño, pese a que os informes xurídicos son favorables ao plan.
Fonte: Asturies
A Universidade de Branu considera cumpridos os obxectivos do sétimo curso de asturiano de Cangas de Narcea
A Universidade Asturiana de Branu finalizou o sétimo curso de inmersión lingüística en asturiano en Cangas de Narcea, cun resultado que consideran que cumpriu os obxectivos marcados.
Fonte: La Nueva España
A lingua asturiana xa aparece no repositorio de datos lingüísticos para aplicacións informáticas CLDR
O rexistro CLDR (Common Locale Data Repository) xa ten na súa base de datos o asturiano, coa información necesaria para o seu emprego en aplicacións informáticas.
Fonte: La Voz de Asturias
Boletín
Subscríbase ao boletín
