Asturias
Case un 43% dos estudantes de Primaria de Xixón estuda a materia de Lingua Asturiana
No vixente curso académico o 42,82% do alumnado xixonés de Primaria estuda Lingua Asturiana, dos cales o 50,94% pertence á escola pública, mentres que na concertada esta porcentaxe baixa ata o 19,09%.
Fonte: Asturies.com
Reclámanlle ao Consello Regulador Sidra de Asturias a utilización da lingua asturiana na campaña ‘Asturiano 100%’
Iniciativa polo Asturiano demándalle ao Consello Regulador da DOP Sidra de Asturias o emprego da lingua asturiana na súa campaña promocional ‘Asturiano 100%’.
Fonte: Asturies.com
A modificación do currículo en Educación Infantil permitirá que se poida impartir lingua asturiana nesta etapa educativa
O Consello Escolar do Principado de Asturias deu o seu visto e prace á modificación do currículo do segundo ciclo de Educación Infantil para que inclúa a lingua asturiana.
Fonte: La Nueva España
Artistas do ámbito musical de Asturias xúntanse un ano máis para pedir a oficialidade do asturiano
Artistas do eido musical de Asturias reuníronse, por vixésimo noveno ano consecutivo, para reivindicar os dereitos lingüísticos da cidadanía asturiana. En concreto, organizáronse xogos para nenos e nenas, presentouse o cantar de 'Reciella. Families pol Asturianu' e celebrouse o XXIX Concerto pola Oficialidade.
Fonte: Asturies.com
Un 90 % da cidadanía de Asturias quere que se imparta o asturiano nas escolas
Segundo os resultados da terceira enquisa sociolingüística de Asturias, que foron publicados pola Academia da Lingua Asturiana, un 90 % da cidadanía quere que se inclúa o asturiano nos plans de estudo das escolas da Comunidade.
Fonte: La Nueva España
O Goberno de Asturias dedica 200 000 euros a axudas para fomentar o asturiano
Publicáronse no Boletín Oficial do Principado de Asturias as convocatorias de subvencións para a normalización do asturiano e do galego-asturiano para medios de comunicación, produción editorial e discográfica. En concreto, a cantidade achegada pola Consellería de Educación e Cultura é de 200 000 euros.
Fonte: Asturies.com
Esquerda Unida formula unha reforma da Lei de Uso do asturiano como un dos tres eixos da súa proposta a Podemos
Esquerda Unida de Asturias realizou unha proposta a Podemos para reformar a Lei de Uso do asturiano. Esta iniciativa encádrase nun dos tres eixos principais da confluencia parlamentaria que Esquerda Unida de Asturias propón a Podemos, en concreto, no de defensa da lingua.
Fonte: Asturies.com
A Academia da Lingua Asturiana propón que a televisión pública de Asturias emita un programa informativo en asturiano
Xosé Antón González Riaño, Presidente da Academia da Lingua Asturiana, presentou unha proposta ao director da Radiotelevisión do Principado de Asturias, Antonio Virgili, para emitir un programa informativo en lingua asturiana, que incluiría a presentación, as novas e a información meteorolóxica e deportiva.
Fonte: 20minutos
O Concello de Xixón rexeita que a Xunta pola Defensa da Lingua ofreza un relatorio sobre o Estatuto de Autonomía
O Concello de Xixón publicou unha convocatoria para que asociacións culturais desenvolvesen actividades no festival "Marcu Atlánticu". A Xunta pola Defensa da Lingua Asturiana presentou a súa proposta para ofrecer un relatorio sobre a reforma do Estatuto de Autonomía, que foi rexeitada porque o Concello considerou que tiña un fondo político.
Fonte: El Comercio
As linguas minorizadas teñen un papel protagonista no Festival Arcu Atlánticu de Asturias
O occitano, o asturiano, o mirandés, o éuscaro, o bretón e o galego serán protagonistas no VI Festival Arcu Atlánticu, que se celebrará do 25 ao 30 de xullo de 2017, baixo o título "Un mar de linguas".
Fonte: Asturies.com
Boletín
Subscríbase ao boletín
