Asturias
Solicitan que o mandato-marco da RTPA recolla a misión do ente de contribuír á normalización do asturiano
A organización Iniciativa pol Asturianu pide que o mandato-marco da Radiotelevisión do Principado (RTPA) recoñeza que unha das súas misións é a de contribuír á normalización social do asturiano.
Fonte: La Vanguardia
A comisión do asturiano establece a oficialidade como única vía para a supervivencia da lingua
A presidenta da Comisión Especial de Estudo sobre o Réxime de Protección e Promoción do Asturiano, Concha Masa, presentou un borrador de conclusións no que se recolle que a cooficialidade é a única vía para a supervivencia do asturiano.
Fonte: Asturies.com
O Concello de Avilés aprobará unha proposición para apoiar a oficialidade da lingua asturiana
Esquerda Unida, Somos Avilés e Gañemos Avilés presentarán no Pleno do Concello unha proposición na que solicitan avanzar ata a oficialidade da lingua asturiana e pídenlle ao Goberno autonómico establecer un diálogo para reformar o Estatuto de Autonomía.
Fonte: Asturies.com
O presidente de Asturias confirma que non haberá oficialidade da lingua asturiana na actual lexislatura
Despois do Debate de Orientación Política, Javier Fernández, o presidente de Asturias, indicou que durante a actual lexislatura non se discutirá sobre a oficialidade da lingua asturiana.
Fonte: La Nueva España
O Concello de Xixón convoca un premio á Mellor Idea Normalizadora para a lingua asturiana
O Concello de Xixón vén de convocar un novo concurso para conmemorar a figura do xesuíta Fierro Botas. En concreto, trátase do Premio Fierro Botas á Mellor Idea Normalizadora da lingua asturiana, que está destinado a alumnado de ESO e Bacharelato.
Fonte: Asturies.com
Os concellos que solicitaron a oficialidade do asturiano representan máis do 60 % da poboación de Asturias
Tendo en conta os datos de padrón do Instituto Nacional de Estatística, os oito concellos que xa solicitaron a oficialidade da lingua asturiana representan o 62,79 % da poboación total da comunidade. Ademais, está previsto que o número de concellos a favor da lingua siga a aumentar.
Fonte: Asturies.com
A partida destinada ao asturiano da RTPA vai dedicarse integramente á dobraxe
Os 70 000 euros da Radiotelevisión do Principado de Asturias que estaban destinados ao uso da lingua asturiana van dedicarse á dobraxe de longametraxes e programas infantís.
Fonte: Asturies.com
Solicitan que a Academia da Lingua Asturiana teña presenza no Consello Escolar
O grupo parlamentario de Esquerda Unida presentou unha emenda á lei de modificación do Consello Escolar para que a Academia da Lingua Asturiana teña presenza neste organismo. En concreto, solicítase que seis expertos no eido da educación e da pedagoxía entren no Consello para presentar propostas sobre a implantación do asturiano no sistema educativo.
Fonte: El Comercio
Filólogos asturianos desenvolven o primeiro atlas lingüístico que estuda a fronteira entre dous idiomas
Filólogos de Asturias realizaron importantes modificacións no 'Estudiu da Transición Llingüística na Zona Eo-Navia, Asturies (ETLEN)', o primeiro atlas lingüístico do mundo que estuda a fronteira entre dous idiomas. En concreto, o estudo pretende analizar o conxunto de linguas do Navia-Eo, que marcan a fronteira entre os dominios do galegoportugués e do asturleonés.
Fonte: Galicia Hoxe
A Academia da Lingua Asturiana denuncia unha campaña en contra da oficialidade do asturiano
O presidente da Academia da Lingua Asturiana denuncia a existencia dunha campaña en contra da oficialidade do asturiano e argumenta que o modelo de oficialidade proposto por esta institución non suporía máis de 20 millóns de euros anuais.
Fonte: La Vanguardia
Boletín
Subscríbase ao boletín
