Asturias
Oviedo acolle o vindeiro 21 de abril unha manifestación en defensa da oficialidade da lingua asturiana
O vindeiro 21 de abril de 2018 celebrarase en Oviedo unha mobilización en defensa da oficialidade da lingua asturiana. A manifestación estará acompañada por dous temas musicais en asturiano creados especialmente para a ocasión.
Fonte: La Nueva España
Celébrase unha xornada para achegarlle á mocidade a lingua asturiana
O 24 de abril celébrase a 15ª edición dos Alcuentros de la Mocedá cola Llingua, unha xornada lúdico-pedagóxica que ten como obxectivo pór en contacto a mocidade coa lingua asturiana, promovendo o seu uso fóra das aulas.
Fonte: La Nueva España
Asturias celebra a Semana das Letras Asturianas
O 4 de maio celebrarase o acto institucional do XXXIX Día das Letras Asturianas no Teatro Campoamor de Oviedo. Así mesmo, ao longo da semana realizaranse outras actividades en prol da lingua asturiana, no marco da celebración Semana das Letras Asturianas.
Fonte: El Comercio
Avilés acollerá un ciclo de rutas guiadas en asturiano
A Estaya de la Llingua organiza un período de visitas guiadas en asturiano que terá lugar o venres 18 de maio. O obxectivo será dar a coñecer lugares e contornos naturais da cidade.
Fonte: La Voz de Avilés
A Academia da Lingua Asturiana calcula que a oficialidade suporía un 0,5 % do investimento do Principado
Na reunión entre a Academia da Lingua (ALLA) e a Federación Asturiana de Empresarios (FADE), a ALLA explicou que a oficialidade do asturiano suporía un 0,5% dos presupostos autonómicos e impulsaría as bases dunha nova industria cultural en Asturias.
Fonte: El Comercio
A publicación de libros en asturiano continúa en niveis moi baixos
Con respecto á publicación de libros en asturiano, o seu declive continúa, aínda que mellorou no ano 2017, cando se sacaron 40 volumes en asturiano, só son dous máis que o ano anterior, pero menos da metade que no 2011.
Fonte: La Voz de Asturias
A Consellería de Educación convoca uns premios literarios en asturiano para fomentar o uso desta lingua
Os premios literarios en asturiano, que presentan varias categorías (novela, ensaio, literatura infantil ou xuvenil e poesía), contribuirán a enriquecer e consolidar esta lingua no ámbito da literatura.
Fonte: El Digital de Asturias
A oficialidade da lingua asturiana recibe o apoio dun 78 % dos votos no Consello da Xuventude
O Consello da Xuventude, que reúne unha trintena de organizacións, celebrou unha asemblea na que se apoiou expresamente a oficialidade do asturiano.
Fonte: La Nueva España
Solicitan a oficialidade do galego-asturiano en todo o territorio de Asturias
Un escrito, asinado por máis de 300 persoas, reivindica un trato igualitario para o galego-asturiano e o asturiano, é dicir, que ambas as linguas, xunto co castelán, sexan oficiais en todo o territorio do Principado.
Fonte: La Nueva España
A Academia da Lingua Asturiana anuncia a elaboración dun dicionario do galego-asturiano
Xa está en marcha o proxecto para elaborar un dicionario oficial e normativo do galego-asturiano, unha iniciativa impulsada pola Fundación Parque Histórico do Navia e os municipios da zona occidental de Asturias.
Fonte: Xornal da Mariña
Boletín
Subscríbase ao boletín
