O Concello de Barcelona aprobou en comisión o Regulamento de uso da lingua catalá, que de acordo coa Lei de política lingüística e o Estatuto, prioriza o catalán como lingua vehicular do consistorio.

Fonte: El País

No Diario Oficial da Generalitat de Catalunya publicouse o edicto polo que se somete a información pública o Anteproxecto de lei do aranés, que proximamente será sometido á aprobación do Goberno da Generalitat de Catalunya.

Fonte: Generalitat de Catalunya

A Plataforma pola Lingua celebrará unha festa lúdica durante a cal un paxe real recollerá 26.000 cartas dirixidas aos Reis Magos a través das cales os nenos pedirán xoguetes en catalán, baixo o lema Poder xogar en catalán.

Fonte: La Vanguardia

No marco do despregamento do occitano como lingua cooficial en Cataluña, preséntase o dicionario Societat de l’informacion. Novèlas tecnologias e Internet, un proxecto terminolóxico que se levou a cabo co asesoramento metodolóxico do TERMCAT e co apoio da Secretaría de Política Lingüística da Generalitat de Catalunya.

Fonte: Generalitat de Catalunya

As cotas que prevé introducir a nova lei de cine de Cataluña, que obrigarán a que o 50 % das películas que se distribúan en máis de quince copias se dobren ao catalán ou se subtitulen nesta mesma lingua, puxeron en alerta a distribuidores e salas de exhibición.

Fonte: Expansión

A futura lei, que nestes momentos está en período de información pública, promoverá o aranés, regulará o emprego oficial desta lingua en Cataluña e fomentará o seu uso no propio Val de Arán, así como a súa utilización nos medios de comunicación.

Fonte: La Mañana

O Tribunal Supremo ditou unha sentenza que recoñece o dereito ao sindicato CCOO a presentar un recurso escrito só en catalán. Así pois, o Tribunal Supremo dispuxo que o recurso de casación presentado se traduciría ao castelán e que posteriormente se procedería a continuar a súa tramitación ordinaria.

Fonte: CCOO

A empresa Google foi unha das galardoadas na II edición dos Premios Pompeu Fabra. Josep Lluís Carod-Rovira afirmou que "o catalán é tamén unha lingua presente nas novas tecnoloxías".

Fonte: E-Notícies

A Generalitat aprobou o Proxecto de lei da lingua aranesa, en cumprimento do mandato que establece o Estatuto de Cataluña e para cumprir os compromisos establecidos na Carta Europea das Linguas Rexionais ou Minoritarias.

Fonte: La Vanguardia

O Goberno de Cataluña fomentará o uso do catalán no sector das notarías. O vicepresidente do Goberno, Josep-Lluís Carod-Rovira, a conselleira de Xustiza, Montserrat Tura, e o decano do Colexio de Notarios de Cataluña, Joan Carles Ollé, asinan un acordo para impulsar conxuntamente accións de fomento do uso do catalán nas notarías e garantir así o dereito da cidadanía a ser atendida oralmente e por escrito na lingua oficial da súa escolla.

Fonte: Generalitat de Catalunya