Cataluña
A Plataforma pola Lingua Catalá apoia unha lexislación que garanta o pleno recoñecemento do occitano no Val de Arán
A Plataforma pola Lingua Catalá, con motivo das comparecencias no Parlamento de Cataluña en relación coa Lei do aranés, quixo manifestar o seu apoio a unha lexislación que garanta o pleno recoñecemento da lingua occitana no Val de Arán.
Fonte: Avui
Un estudo afirma que as empresas catalás non dominan ben as linguas dos mercados emerxentes
Esta é unha das principais conclusións dun estudo sobre o multilingüismo como instrumento de negocio en Cataluña que deseñou e coordinou a Cátedra de Multilingüismo Linguamón da Universidade Aberta de Cataluña (UOC), xunto á Secretaría de Política Lingüística da Generalitat.
Fonte: ABC
O Goberno de Cataluña invita os romaneses a aprender catalán para prosperar socialmente
A conselleira de Acción Social e Cidadanía da Generalitat de Catalunya, Carme Capdevila, instou os romaneses que viven en Cataluña a aprender catalán para prosperar socialmente, na presentación da guía Vivir en Catalunya. Aprendamos catalán desde el rumano.
Fonte: La Vanguardia
Linguamón-Casa das Linguas inicia unha campaña de comunicación para promover o multilingüismo
Linguamón-Casa das Linguas inicia unha campaña de comunicación para promover os valores do multilingüismo. Ata o 18 de abril, Televisión de Cataluña emitirá un anuncio sobre Linguamón-Casa das Linguas nas franxas horarias da mañá e da tarde, e tamén durante o telexornal do mediodía.
Fonte: Linguamón
Toda a oferta formativa do contorno virtual de aprendizaxe de catalán Parla.cat está xa en liña
Parla.cat xa ten accesibles todos os cursos de suficiencia. Complétase así o cuarto e último nivel deste contorno de aprendizaxe de catalán en liña, desenvolvido pola Secretaría de Política Lingüística do Departamento da Vicepresidencia e o Instituto Ramon Llull, en colaboración co Consorcio para a Normalización Lingüística.
Fonte: Generalitat de Catalunya
O Goberno de Arán impulsa un obradoiro de teatro para promover a lingua
A secretaria de Cultura e Política Lingüística do Consello Xeral de Arán, Maria Vergés, anunciou a posta en marcha dun obradoiro de teatro en aranés para o fomento e apoio da creación cultural e a potenciación do uso social do aranés.
Fonte: 20 minutos
O xornal Público saca un suplemento en catalán
O xornal de Mediapro Público saca, coincidindo co 23 de abril, un suplemento en catalán. Trátase de Públic, un caderno diario de 12 páxinas escrito integramente nesta lingua e dedicado á actualidade social, política e cultural do país.
Fonte: Avui
O Consello de Garantías avala o catalán como lingua de acollida da inmigración
O Consello de Garantías Estatutarias avalou por unanimidade o Proxecto de Lei de acollida das persoas inmigradas e retornadas a Cataluña, incluído o seu artigo 9, que fixa o catalán como lingua de primeira acollida dos inmigrantes.
Fonte: El País
O Goberno de Cataluña e diversas entidades promoven o catalán o 23 de abril
A Secretaría de Política Lingüística da Generalitat de Catalunya e Radio Flaixbac únense o 23 de abril para organizar a campaña 'Encomana el català' (Contaxia o catalán), con actuacións musicais en directo e un concurso cidadán de karaoke de música en catalán.
Fonte: Europa Press
O Consello Asesor da Lingua reúnese para tratar a lei do aranés
O Consello Asesor da Lingua reuniuse para tratar a lei do aranés, que se encontra en proceso de tramitación parlamentaria.
Fonte: Europa Press
Boletín
Subscríbase ao boletín
