Cataluña
Linguamón pon en marcha Mapas Vivos, unha ferramenta interactiva pioneira para coñecer a diversidade lingüística do mundo
Linguamón–Casa das Linguas presenta Mapas Vivos, unha ambiciosa iniciativa creada coa última tecnoloxía cartográfica e multimedia para coñecer de cerca a diversidade lingüística do mundo.
Fonte: Linguamón
Presentan Onescat, un curso para aprender catalán a través da radio
Bernat Joan, secretario de Política Lingüística e presidente do Consorcio para a Normalización Lingüística; Iolanda Pineda, alcaldesa de Salt, e Francesc Triola, director xeral de COMRàdio, presentaron en Salt o curso de catalán inicial para radio Onescat.
Fonte: Generalitat de Catalunya
A Plataforma pola Lingua recolleu 8.000 queixas pola discriminación do catalán nos cines en 15 días
A Plataforma pola Lingua explicou que, en quince días de campaña durante o mes de febreiro, recibiu 8.000 queixas de cidadáns contra a discriminación da lingua catalá no cine.
Fonte: Móndivers
Escolas e entidades do Val de Arán promoven un manifesto en defensa do aranés
As escolas do Val de Arán, o Consello Xeral de Arán e os concellos, así como diferentes entidades e organizacións promoven un manifesto en defensa do aranés, ante a nova lei que tramita o Parlamento para regular a oficialidade da lingua.
Fonte: Qué
Os eurodeputados cataláns denuncian que o Goberno español incumpre os acordos lingüísticos
Os europarlamentarios Ramon Tremosa (CiU), Oriol Junqueras (ERC) e Raül Romeva (ICV) denunciaron que o Goberno español segue incumprindo os acordos que asinou no ano 2005 coas institucións europeas polos que se aprobou que a correspondencia cos cidadáns catalanoparlantes se puidese facer en catalán, tal como fixo público Horitzó Europa.
Fonte: La Vanguardia
Catro de cada dez parellas castelanfalantes fálanlles catalán aos seus fillos
Un total de catro de cada dez parellas de orixe castelanfalante fálalles en catalán con tanta ou máis intensidade ca en castelán aos seus fillos, segundo o estudo Llengua i joves. Usos i percepcions lingüístics de la joventut catalana (Lingua e mocidade. Usos e percepcións lingüísticas da xuventude catalá.
Fonte: Avui
O Goberno catalán e o Consulado da República Dominicana traballan xuntos para fomentar o uso e o coñecemento da lingua catalá
O vicepresidente do Goberno catalán presidiu a sinatura dun acordo entre a Secretaría de Política Lingüística e o Consulado da República Dominicana que establece as liñas de traballo para fomentar e difundir a realidade lingüística de Cataluña.
Fonte: Generalitat de Catalunya
O 44 % dos mozos inmigrantes sabe falar catalán
O 43,6 % dos mozos nacidos no estranxeiro pero residentes en Cataluña sabe falar catalán. Esta porcentaxe extráese da enquisa de usos lingüísticos de 2008 e inclúese no recente informe Llengua i joves da Generalitat de Catalunya.
Fonte: El Periódico
O Parlamento de Cataluña aproba unha resolución de apoio ao uso social do occitano en todo o seu territorio
A comisión de cultura do Parlamento de Cataluña aprobou unha proposta de resolución de apoio ao uso social da lingua occitana en todos os seus territorios. Deste xeito, contribuirase ao avance do uso social do occitano, xa que se establecerán vínculos políticos e culturais coas entidades occitanas.
Fonte: Avui
As webs de TV3 e Catalunya Ràdio invitarán a cambiar o idioma do navegador ao catalán
As webs dos medios da Corporación Catalá de Medios Audiovisuais (CCMA) incorporarán un 'widget' que avisa os usuarios que non teñen o navegador configurado en catalán e invita a facelo "de forma sinxela", no marco da campaña 'Navega en català' da Fundación PuntCat.
Fonte: PortalTIC
Boletín
Subscríbase ao boletín
