Cataluña
O Goberno español cuestiona que Cataluña poida eludir por lei a terceira hora de castelán
O Goberno central dirixiuse ao catalán cuestionando que a Generalitat de Catalunya poida fixar os programas e os horarios das ensinanzas non universitarias e crear un corpo propio de catedráticos de secundaria como prevé a lei de educación catalá.
Fonte: El País
A Consellería de Educación da Generalitat de Catalunya garantirá a prioridade do catalán nos libros dixitais
A Consellería de Educación da Generalitat de Catalunya "comezou a traballar" con Digital Text, a editorial responsable da elaboración da práctica totalidade dos libros dixitais, para garantir que o menú de acceso aos manuais estea en lingua catalá.
Fonte: Avui
O Goberno de España ensinaralles catalán aos policías estatais
Os axentes do Corpo Nacional de Policía recibirán formación de lingua catalá. O delegado do Goberno central en Cataluña, Joan Rangel, e o secretario de Política Lingüística, Bernat Joan, reuníronse para examinar as necesidades de formación en catalán dos funcionarios dependentes da Administración central.
Fonte: Avui
A Generalitat de Catalunya impulsa grupos de conversación de catalán entre inmigrantes
A Generalitat de Catalunya estenderá por todo o territorio catalán unha iniciativa da Coordinadora de Asociacións pola Lingua (CAL) que consiste en impulsar grupos de conversación de catalán entre inmigrantes para integralos na sociedade e fomentar "a creación dunha cultura común".
Fonte: Europa Press
O aeroporto de Barcelona ten máis rótulos en inglés ca en catalán
A lingua predominante na rotulación dos establecementos comerciais do aeroporto de Barcelona é a castelá, e o catalán aínda sofre unha clara inferioridade tanto respecto ao castelán coma ao inglés.
Fonte: Avui
A Plataforma pola Lingua lanza unha campaña para prestixiar o catalán na universidade
A Plataforma pola Lingua e sindicatos e entidades sindicais lanzaron unha nova campaña para dar prestixio ao catalán nas universidades, baixo o lema 'Na universidade, en catalán!', ante o actual aumento de estudantes estranxeiros nos centros.
Fonte: Europa Press
O Parlamento catalán contrata intérpretes ao castelán para atender unha delegación de Nicaragua
O Parlamento catalán contratou un servizo de interpretación ao castelán para atender, na comisión de Cooperación e Solidariedade, unha delegación de Nicaragua que pedira ser informada sobre a situación da cooperación catalá.
Fonte: La Vanguardia
Preséntase no Parlamento de Cataluña a futura lei da lingua de signos catalá
O vicepresidente do Goberno catalán, Josep-Lluís Carod-Rovira, presentou no Parlamento de Cataluña o proxecto de lei da lingua de signos catalá, que "a dignifica como lingua propia, como sistema lingüístico" e que lle outorga "o recoñecemento institucional que merece".
Fonte: Generalitat de Catalunya
O presidente do Parlamento de Cataluña garante o dereito a falar en catalán e castelán na Cámara
O presidente do Parlamento de Cataluña, Ernest Benach, asegurou que garantirá o dereito de calquera deputado ou representante do Goberno a expresarse na Cámara en cualquera das dúas linguas oficiais en Cataluña: o catalán e o castelán.
Fonte: Qué
O Tribunal Superior de Xustiza de Cataluña censura as cotas aprobadas sobre o uso do catalán e o aranés nos medios
O Consello do Audiovisual de Catalunya (CAC) defendeu que a Lei da comunicación audiovisual de Cataluña de 2005 lle outorga a potestade de aprobar instrucións sobre as obrigas en relación coa presenza da lingua e a cultura catalás e co aranés na comunicación audiovisual despois de que o Tribunal Superior de Xustiza de Cataluña (TSJC) anulase 13 dos 18 artigos da instrución xeral do CAC datadas en 2004 sobre esta materia.
Fonte: La Vanguardia
Boletín
Subscríbase ao boletín
