Cataluña

Nace unha nova web sobre música en catalán

A enciclopedia de música catalá Viasona estreou unha nova páxina web coa que queren dar unha visión global do sector da música en catalán. O novo espazo incorpora unha sección de actualidade e mellora o acceso á enciclopedia xa existente.

Fonte: El Nacional

Cataluña

Segundo un estudo, o 68% das notarías de Cataluña non ofrece redactar escrituras en catalán

O estudo realizado pola Plataforma pola Lingua destacou que tan só o 32% das notarías de Cataluña ofrécelles aos seus clientes escoller o catalán para a redacción de escrituras. Isto contrasta co dato de que o 51,1% da clientela afirmou falar catalán na súa vida cotiá.

Fonte: La Vanguardia

Cataluña

O aranés recibe un incremento de 15 000 euros nas subvencións para súa promoción

A Dirección Xeral de Política Lingüística do Departamento de Cultura achegará 60 000 euros para a promoción e o coñecemento do aranés.

Fonte: Gencat

Cataluña

Política Lingüística lanza unha nova liña de axudas para impulsar a lingua de signos catalá

Esta nova liña de axudas convocada pola Dirección Xeral de Política Lingüística está dirixida a proxectos de fomento e difusión da lingua de signos catalá e conta cunha dotación económica de 40 000 euros.

Fonte: Generalitat de Catalunya

Cataluña

Apple non utilizará no asistente virtual Siri o idioma catalán

Os usuarios de Apple critican a compañía polo feito de que non quere incorporar no asistente virtual Siri o idioma catalán, despois de que así llo solicitase a Plataforma per la Llengua.

Fonte: Mundiario

Cataluña

Danse a coñecer os gañadores do concurso de creación de xogos en catalán

A cuarta edición do Concurso Tísner de Creación de Xogos en Catalán xa ten gañadores. Trátase dun certame que pretende impulsar a implicación de docentes e alumnado na creación e desenvolvemento de xogos inéditos que fomenten o interese por esta lingua.

Fonte: Generalitat de Catalunya

Cataluña

A Universidade Pompeu Fabra edita en catalán o primeiro dicionario de medicina infantil

O Colexio Oficial de Médicos de Xirona apoiou a UPF na publicación do dicionario de medicina infantil en lingua catalá, o cal contén ilustracións e definicións feitas polos alumnos nas que falan da saúde e as enfermidades.

Fonte: La Vanguardia

Cataluña

A Generalitat de Catalunya dará a coñecer as accións de fomento do occitano para este ano

A Dirección Xeral de Política Lingüística exporá nun coloquio que se celebrará o 26 de xuño as accións de fomento do occitano en Cataluña desenvolvidas en 2017 e as que están en curso este ano.

Fonte: Generalitat de Catalunya

Cataluña

Segundo un informe, Cataluña perdeu 300 000 falantes habituais de catalán en menos en 10 anos

Segundo o InformeCAT 2018, o catalán perdeu 300 000 falantes en Cataluña nos últimos dez anos. Como dato positivo sinala que se incrementou nun 5% a cifra de persoas novas que o ten como lingua habitual.

Fonte: La Vanguardia

Cataluña

O Voluntariado pola Lingua cumpre quince anos en Cataluña

O Voluntariado pola Lingua, impulsado desde a Generalitat de Cataluña, formou nestes quince anos máis de 125 000 parellas lingüísticas.

Fonte: Generalitat de Catalunya

Cataluña

Boletín

Subscríbase ao boletín

Logo Feder