Cataluña
O catalán posiciónase como a oitava lingua da blogosfera
O "Balance de Política Lingüística 2004-2010" mostra a gran presenza do catalán na rede. O catalán é a oitava lingua na blogosfera, a décima en tradución, a décimo cuarta en presenza en Google e a décimo quinta en Wikipedia.
Fonte: La Vanguardia
O Consello de Garantías Estatutarias avala a lei do aranés
O Consello de Garantías Estatutarias considera que a lei do aranés se axusta ao Estatuto e á Constitución. A norma non se puido aprobar no último pleno porque o PP solicitara un ditame do Consello.
Fonte: Avui
Un estudo afirma que o 25,1 % dos inmigrantes asentados en Cataluña ve televisión en catalán
Unha cuarta parte dos inmigrantes asentados en Cataluña ve a televisión en catalán, segundo un estudo baseado en datos do Barómetro da Comunicación e a Cultura.
Fonte: La Vanguardia
O Valedor do Pobo recorre a lei catalá de inmigración porque fixa o catalán como lingua preferente da aprendizaxe
A valedora do pobo en funcións, María Luisa Cava de Llano, recorreu ante o Tribunal Constitucional a Lei catalá de acollida de inmigrantes porque fixa o catalán como lingua preferente no proceso de aprendizaxe dos estranxeiros empadroados en Cataluña.
Fonte: El País
Máis de 1300 centros escolares cataláns potencian o uso dunha terceira lingua
Un total de 300 centros educativos adheriuse ao Plan experimental de linguas estranxeiras, de xeito que xa son 1345 os centros que, en Cataluña, potencian o uso dunha terceira lingua mediante distintos proxectos.
Fonte: ABC
O presidente do grupo de comunicación Mediapro pide incentivar o consumo de cine en catalán rebaixando as entradas
O presidente de Mediapro, Jaume Roures, instou a que a Lei do cine aprobada en xullo polo Parlamento catalán incorpore medidas para incentivar o consumo de cine en catalán, entre as que propuxo a creación dunha rede pública de salas de cine e a posibilidade de que as entradas sexan máis baratas.
Fonte: El Mundo
O novo Código de consumo catalán promove a etiquetaxe en braille
A nova lei do Código de consumo de Cataluña, que entrou en vigor o 23 de agosto, insta a garantir o acceso de persoas cegas á información sobre bens e servizos, e obriga a incluír o braille na etiquetaxe de produtos que afectan a saúde e a seguridade dos consumidores.
Fonte: Eurocarne Digital
A Generalitat de Catalunya esixiralles o dominio do catalán aos profesores universitarios
O decreto que esixirá ter o nivel C de catalán -que equivale ao dominio da lingua nunha escala entre A e D- aos novos profesores universitarios fixos e aos eventuais que deban renovar os seus contratos aprobarase en plena precampaña electoral en Cataluña.
Fonte: El País
Un total de 52.000 alumnos poderá estudar idiomas nas 42 escolas oficiais de Cataluña este curso
Un total de 51.900 cataláns poderá apuntarse nalgunha das 42 escolas oficiais de diomas (EOI) da Generalitat de Catalunya. O idioma con máis prazas adxudicadas é o inglés -con 25.470-, seguido polo francés -9.750- e o alemán -7.710-.
Fonte: Europa Press
O Departamento de Educación da Generalitat de Catalunya ofrecerá cursos oficiais de inglés a distancia a partir de febreiro
A partir do próximo mes de febreiro será posible cursar os tres primeiros niveis de inglés a través do Institut Obert de Catalunya (IOC), segundo avanzou o director xeral de Ensinanzas Profesionais, Artísticas e Especializadas, Josep Francí.
Fonte: La Vanguardia
Boletín
Subscríbase ao boletín
