Cataluña
Preséntase o Observatorio da Calidade Lingüística, unha ferramenta para mellorar o uso do catalán
O Instituto de Estudos Cataláns creou o Observatorio da Calidade Lingüística, un proxecto que ten como obxectivo facer un seguimento e unha avaliación dos usos públicos nas diferentes variedades dialectais do catalán.
Fonte: dBalears
Crean un novo espazo para favorecer a conversa en catalán e crear parellas lingüísticas
A asociación catalá Òmnium Cultural crea 'Tándem cultural', un novo espazo que ten como fin favorecer a conversa en catalán con falantes habituais e crear novas parellas lingüísticas.
Fonte: Gencat
O Conselh d'Aran demanda unha dotación orzamentaria para mellorar a situación do aranés
Na vindeira reunión que o Conselh d'Aran manterá coa Generalitat de Cataluña exporase a urxencia de contar cunha dotación orzamentaria para as competencias en materia de lingua e cultura e a relación bilateral para aplicar as políticas lingüísticas que o aranés precisa.
Fonte: Segre
O impulso do catalán como elemento de cohesión obtén un amplo apoio do Parlamento de Cataluña
O Parlamento de Cataluña aprobou a resolución “Per la llengua com a element de cohesió”. O acordo insta o Goberno catalán a poñer en marcha doce accións para consolidar a lingua catalá en todos os sectores, con especial atención ao audiovisual.
Fonte: Generalitat de Catalunya
A versión en liña do Dicionario da actividade parlamentaria incorpora equivalentes en lingua de signos catalá
A versión en liña do Dicionario da actividade parlamentaria acaba de ser actualizada para incorporar un cento de equivalencias en lingua de signos catalá a través dunha ligazón a un vídeo que amosa como se signa o termo.
Fonte: Generalitat de Catalunya
Unha nova publicación orientará o alumnado sobre o uso do móbil na aprendizaxe do catalán para adultos
A Secretaría de Política Lingüística publicou un documento sobre o uso do móbil dentro e fóra das clases de catalán para adultos que ten como obxectivo orientar o alumnado na incorporación destes dispositivos nas dinámicas de aprendizaxe desta lingua.
Fonte: Generalitat de Catalunya
Preséntase o Consello Consultivo do Aranés
Trátase dun novo órgano consultivo, conformado por seis especialistas, que ten como obxectivo servir de ferramenta para reforzar a política e a planificación lingüística e asesorar ao Goberno de Arán.
Fonte: Generalitat de Catalunya
Barcelona acolle a celebración da 39ª edición da Semana do Libro en Catalán
Do 10 ao 19 de setembro celébrase a Semana do Libro en Catalán con múltiples actividades cuxo obxectivo é fomentar a lectura nesta lingua para todo tipo de públicos.
Fonte: Generalitat de Catalunya
Termcat publica a versión en catalán da norma ISO de continuidade do negocio
A norma recolle a terminoloxía principal da xestión da continuidade do negocio, xa que é unha referencia para que as organizacións poidan actuar con eficacia ante imprevistos que interrompen o seu funcionamento normal.
Fonte: Generalitat de Catalunya
Os ximnasios máis populares de Cataluña incorporan o catalán na súa páxina web
Co obxectivo de cambiar a complicada situación do catalán no ámbito do deporte, Plataforma pola Lingua consegue que os ximnasios máis populares, como Holmes Place, Metropolitan ou YogaOne, incorporen esta lingua na súa páxina web.
Fonte: Plataforma per la Llengua
Boletín
Subscríbase ao boletín
