Cataluña
O anuario de 2020 da Fundación Bofill recoñece un maior coñecemento do catalán por parte da mocidade
No seu anuario de 2020 sobre o estado da educación en Cataluña, a Fundación Bofill destaca a achega do sistema educativo ao catalán ao longo dos anos, que repercute nun maior coñecemento da lingua por parte da xuventude, incluíndo a de orixe inmigrante.
Fonte: Generalitat de Catalunya
O diario ARA crea a iniciativa Re|mot para recuperar palabras do catalán de uso pouco frecuente e mostrar a riqueza desta lingua
Esta iniciativa conta co apoio do Departamento de Cultura e a participación de Optimot e busca valorizar a riqueza do catalán ao recuperar palabras que non son de uso habitual na actualidade e impulsalas para que se incorporen de novo no día a día desta lingua.
Fonte: Generalitat de Catalunya
Convócase a segunda edición do Premio ARA de banda deseñada en catalán
A segunda convocatoria do premio contará co apoio da Dirección Xeral de Política Lingüística e coa colaboración de Norma Editorial. O seu obxectivo é fomentar a presenza do catalán no xénero da banda deseñada adulta de non ficción e na novela gráfica.
Fonte: Generalitat de Catalunya
Fragmenta Editorial publica unha colección de filosofía en catalán
Coa creación da nova colección de filosofía contemporánea, a editorial busca abrir as portas do mundo do pensamento ao público lector non especializado e aumentar o número de publicacións filosóficas en catalán.
Fonte: La Vanguardia
As universidades de Cataluña comprométense a impulsar o catalán na docencia
O Consello Interuniversitario de Cataluña (CIC) aproba a proposta da Comisión de Política Lingüística que asegura o uso do catalán na actividade académica por parte do alumnado e do profesorado.
Fonte: Generalitat de Catalunya
A Generalitat de Cataluña publica un decálogo de accións para fomentar o uso do catalán en internet
Con esta iniciativa, a Dirección Xeral de Política Lingüística procura normalizar a presenza do catalán na rede e mostrar que esta lingua contribúe a preservar a riqueza lingüística e o plurilingüismo.
Fonte: Generalitat de Catalunya
Un novo convenio permitirá continuar coa publicación en catalán de leis e outra normativa no BOE
A Generalitat de Cataluña asinou un convenio co Estado español para a publicación en catalán de leis e outra normativa no BOE, algo que xa se vén facendo desde o ano 1998 e ao que este acordo lle dará continuidade.
Fonte: Generalitat de Catalunya
Arredor de mil profesionais da avogacía inscríbense no programa de fomento do catalán na Administración de Xustiza
O obxectivo do programa é estender o uso do catalán na Administración de Xustiza, é dicir, fomentar a presentación dos escritos e solicitarlle ao xulgado que a documentación se notifique nesta lingua.
Fonte: Diario Jurídico
A Generalitat de Cataluña convoca unha nova liña de subvencións á dobraxe e á subtitulación ao catalán
O Departamento de Cultura convoca unha liña de axudas, cunha dotación económica dun millón de euros, destinada a distribuidoras e a empresas de dobraxe, para subtitular ou dobrar ao catalán longametraxes e para subtitular series para plataformas dixitais e en soporte físico.
Fonte: Generalitat de Catalunya
Preséntase “Fils de conversa”, un novo material interactivo para practicar o catalán
“Fils de conversa” é unha ferramenta interactiva para practicar o catalán posta en marcha pola Dirección Xeral de Política Lingüística á que se pode acceder desde calquera dispositivo. Está dirixida aos participantes do Voluntariado pola Lingua, ao profesorado e ao alumnado de catalán, así como a calquera persoa que desexe aprender esta lingua.
Fonte: Generalitat de Catalunya
Boletín
Subscríbase ao boletín
