Cataluña
A canle de YouTube da Dirección Xeral de Política Lingüística de Cataluña incorpora novos vídeos e ferramentas
A renovación desta canle de YouTube incorpora novas listas de reprodución temáticas e ofrece os contidos de forma organizada e xerarquizada para facilitar a procura de vídeos e mellorar a presentación. Ofrece máis de 800 vídeos de ámbitos como o cine en catalán, recursos lingüísticos, campañas de sensibilización etc.
Fonte: Generalitat de Catalunya
A Generalitat de Cataluña convoca axudas de fomento do catalán para entidades sen ánimo de lucro
O Departamento de Cultura abriu o prazo de solicitude de axudas para proxectos de fomento do catalán dirixidas a entidades sen ánimo de lucro. Destinarase a esta liña de subvencións un orzamento de 550 000 euros.
Fonte: Generalitat de Catalunya
Increméntase o número de persoas novas que quere participar no Voluntariado pola Lingua
Grazas á campaña e á exposición “Quan parles fas màgia” incorporouse ao Voluntariado pola Lingua un número importantes de mozas e mozos participantes, de maneira que se incrementaron nun 67 % os voluntarios, con máis de 2800 novos inscritos.
Fonte: Generalitat de Catalunya
Unha nova web ofrece información sobre o aranés en cada un dos municipios de Arán
Esta nova web, impulsada polo Departamento de Cultura da Generalitat, ofrece os principais indicadores demográficos, sociolingüísticos e de política lingüística de cada un dos nove municipios de Arán.
Fonte: Generalitat de Catalunya
A Generalitat de Cataluña destinará unha liña de axudas á creación de podcasts culturais en catalán
Esta nova liña de axudas, dotada cun orzamento de 120 000 euros, está destinada a apoiar a creación ou a continuidade de proxectos de podcasts en catalán ou occitano que traten temas relacionados coa cultura.
Fonte: Generalitat de Catalunya
A aplicación 061 Salut Respon xa está dispoñible en lingua de signos catalá
As persoas xordas de Cataluña xa poden contactar co 061 Salut Respon a través dunha videochamada que atenderán intérpretes de lingua de signos catalá. Así mesmo, a nova aplicación incorpora outras funcionalidades, como un chatbot e un apartado de preguntas frecuentes sobre a covid-19.
Fonte: Generalitat de Catalunya
A Generalitat de Cataluña pon a disposición dos municipios unha nova ferramenta para o fomento do catalán
O proxecto #català947. La llengua catalana als municipis de Catalunya ten como obxectivo reforzar a cooperación en materia lingüística e poñer a disposición de todos os municipios de Cataluña unha nova ferramenta para o fomento do catalán.
Fonte: Generalitat de Catalunya
O festival Mecal proxectará 290 curtametraxes subtituladas en catalán
Mecal, o Festival Internacional de Curtametraxes e Animación de Barcelona, chega á súa edición número 23, na que se proxectarán 290 curtas en versión orixinal subtitulada en catalán.
Fonte: Generalitat de Catalunya
Incorpóranse ao curso “Ep! Escolta i Parla” novos recursos didácticos para a aprendizaxe do catalán
A web de Lingua Catalá, da Generalitat de Cataluña, incorpora 102 novos recursos didácticos do curso “Ep! Escolta i Parla”, que teñen como obxectivo facilitar o labor do profesorado de catalán para adultos, así como a aprendizaxe do alumnado.
Fonte: Generalitat de Catalunya
Ponse en marcha un novo programa de voluntariado lingüístico en Cataluña destinado aos profesionais da avogacía
O obxectivo desta iniciativa é impulsar a creación de parellas lingüísticas entre a avogacía e os profesionais do ámbito xudicial no marco do Voluntariado pola Lingua.
Fonte: Generalitat de Catalunya
Boletín
Subscríbase ao boletín
