Cataluña
A Generalitat promoverá unha lei de dereitos culturais e un pacto pola lingua
A conselleira de Cultura da Generalitat, Natàlia Garriga, impulsará unha lei de dereitos culturais e un pacto nacional pola lingua a través de recursos que aseguren o dereito á creación cultural e o futuro do catalán.
Fonte: Segre
O dicionario Terminologia de ciències de la salut actualízase con novos termos
O Termcat actualiza o dicionario en liña coa incorporación de novos termos do ámbito das doenzas minoritarias, da atención á saúde mental e das adiccións, da medicina nuclear, das alerxias e da covid-19.
Fonte: Generalitat de Catalunya
Demandan que se use o catalán na megafonía do transporte público de Barcelona
Plataforma per la Llengua reclamou a través das súas redes sociais que se use o catalán na megafonía do transporte público da área metropolitana de Barcelona, xa que considera que se vulneran os dereitos lingüísticos da cidadanía.
Fonte: El Independiente
Os acentos diacríticos da lingua catalá desaparecen definitivamente, agás en 15 palabras
Finalizou o período que concedeu en 2016 o Instituto de Estudos Cataláns para adaptarse á modificación ortográfica pola que se eliminan a maioría dos acentos diacríticos da lingua catalá, agás en 15 das 150 palabras que historicamente levaron este acento.
Fonte: 20minutos
O catedrático de sociolingüística Francesc Xavier Vila será o novo secretario de Política Lingüística
Francesc Xavier Vila, catedrático de sociolingüística da Universidade de Barcelona, será o novo secretario de Política Lingüística. Substituirá á antiga directora xeral, Esther Franquesa, neste departamento que agora elevou o seu rango para converter a diversidade lingüística de Cataluña nun dos eixes principais do Departamento de Cultura.
Fonte: Generalitat de Catalunya
Convócase a Bolsa Joan Veny destinada a proxectos que estuden aspectos vinculados coa variación lingüística do catalán
O Instituto Ramon Muntaner convoca a VIII Bolsa Joan Veny cuxo importe é de 6000 euros e que se concede a proxectos que estuden calquera aspecto relacionado coa variación lingüística do catalán.
Fonte: Generalitat de Catalunya
A Generalitat destaca a política lingüística como prioridade coa redefinición do Departamento de Cultura
A Generalitat aproba o decreto de reestruturación do Departamento de Cultura, mediante o cal a Dirección Xeral de Política Lingüística eleva o seu rango e convértese en Secretaría de Política Lingüística, e destaca a lingua como unha prioridade gobernamental para garantir o futuro do catalán, do occitano e da lingua de signos catalá dentro da sociedade.
Fonte: Generalitat de Catalunya
Publícase un novo dicionario catalán-aranés
O novo dicionario, publicado polo Instituto de Estudos Araneses, inclúe máis de 30 000 entradas en catalán coas súas equivalencias en aranés. Trátase da primeira parte dun proxecto que se completará co dicionario aranés-catalán o vindeiro ano.
Fonte: Generalitat de Catalunya
A Generalitat de Cataluña publica unhas orientacións para impulsar o uso do catalán nas redes sociais das empresas
Esta nova liña de acción, que se encadra no programa Emmarca’t, ten como obxectivo animar as empresas que operan no mercado catalán a usar a lingua catalá nas comunicacións das súas redes sociais.
Fonte: Generalitat de Catalunya
Nace unha nova campaña para divulgar as vantaxes do uso do catalán en empresas e comercios
A Fundación Vincle puxo en marcha unha campaña baixo o lema “El català és negoci”, co apoio da Dirección Xeral de Política Lingüística, para fomentar o uso do catalán en empresas e comercios e mostralo como un investimento rendible.
Fonte: Generalitat de Catalunya
Boletín
Subscríbase ao boletín
