Cataluña
O Goberno de Cataluña mellorará a plataforma de aprendizaxe en liña de catalán Parla.cat
O Goberno destinará 1.111.990 euros a transformar tecnoloxicamente a plataforma de aprendizaxe en liña do catalán Parla.cat, o permitirá que sexa operativa en dispositivos móbiles, teléfonos e tabletas, ademais de, como ata agora, en ordenadores.
Fonte: Generalitat de Catalunya
Convócanse as probas para obter os certificados oficiais de aranés
As probas de 2021 para conseguir os certificados oficiais de aranés están destinadas a persoas maiores de 17 anos e servirán para a obtención dos niveis A1, A2, B1, B2 e C1.
Fonte: Generalitat de Catalunya
Doce novos títulos da literatura universal incorpóranse á listaxe de obras traducidas ao aranés
A colección de clásicos traducidos ao aranés iniciouse en 2019 e a ela incorpóranse agora doce novos títulos que se poden descargar de balde na web do Institut d’Estudis Aranesi-Acadèmia aranesa dera lengua occitana.
Fonte: Generalitat de Catalunya
Comeza un novo curso en liña de iniciación á lingua e á cultura occitanas
O novo curso básico en liña de iniciación á lingua e á cultura occitanas ten unha duración de trinta horas nas que se combinarán sesións por videoconferencia e o apoio a través dunha aula virtual.
Fonte: Generalitat de Catalunya
Un volume recompila as dúbidas máis frecuentes do catalán resoltas polo servizo Optimot
O libro 101 dubtes del català resolts per l’Optimot foi elaborado a partir das fichas do servizo de consultas lingüísticas Optimot e ten como obxectivo axudar a resolver as dúbidas máis frecuentes de ortografía, morfoloxía, sintaxe e léxico do catalán.
Fonte: Generalitat de Catalunya
Unha nova publicación fomentará o coñecemento do catalán e o romaní
A Generalitat de Cataluña publicou un vocabulario catalán-romaní ilustrado que ten como obxectivo promover o coñecemento de ambas as linguas, así como fomentar o recoñecemento e o respecto pola cultura xitana.
Fonte: Generalitat de Catalunya
Unha nova aplicación facilita a participación na detección de novos termos en catalán
O Centro de Terminoloxía Termcat ofrece a posibilidade de facerlle chegar propostas de novos termos a través dunha aplicación específica que consta dun cuestionario guiado para que a persoa usuaria poida ofrecer toda a información dispoñible sobre o termo.
Fonte: Generalitat de Catalunya
Convócase o Premio á creación de contidos audiovisuais en catalán, aranés e lingua de signos catalá
A Universidade de Barcelona, a Rede Vives de Universidades e Òmnium Cultural convocaron un premio á creación de contidos audiovisuais. Poderanse presentar a este galardón vídeos que se publicasen nunha rede social no ano 2020 nalgunha destas linguas: catalán, aranés ou lingua de signos catalá.
Fonte: Generalitat de Catalunya
Convócase o premio Jesús Tuson de recoñecemento a traballos que tratan sobre a diversidade lingüística
O premio Jesús Tuson, que convoca a Universidade de Barcelona, a Rede Vives de Universidades e Òmnium Cultural, recoñece os traballos, de docentes ou do alumnado, que tratan sobre a diversidade lingüística, xa sexan teses, artigos, libros ou capítulos de libro, entre outros formatos académicos.
Fonte: La Vanguardia
A Generalitat de Cataluña actualiza a guía para aprender catalán destinada a falantes de ruso
A Dirección Xeral de Política Lingüística actualizou e reeditou a guía Viure a Catalunya. Aprenem català des del rus dirixida á poboación de Cataluña falante de ruso que quere aprender catalá e que xa está dispoñible en formato dixital para a súa descarga.
Fonte: Generalitat de Catalunya
Boletín
Subscríbase ao boletín
