Cataluña
A Generalitat de Cataluña impulsa unha nova campaña para fomentar o uso do catalán nas redes sociais entre a mocidade
Co lema “A la xarxa, peta-ho en català” e o cancelo para a súa difusión #JoHoPetoEnCat, nace unha campaña de sensibilización para promover o uso do catalán entre a xente nova que crea contidos nas redes sociais como YouTube, Instagram, TikTok....
Fonte: Generalitat de Catalunya
A Generalitat de Cataluña impulsa o uso do catalán nas redes sociais entre as grandes marcas
Dende o ano 2017 a Generalitat de Cataluña vén organizando accións de sensibilización sobre o uso do catalán en 406 marcas líder de 38 sectores empresariais diferentes, ás que lles solicita que empreguen esta lingua nas súas redes sociais, xa que se trata de canles de comunicación de especial relevancia nos últimos tempos.
Fonte: Generalitat de Catalunya
A Generalitat de Cataluña lanza unha campaña para promover o catalán no ámbito empresarial e comercial
Co lema ‘Català i empresa’ o Departamento de Cultura iniciou unha campaña de sensibilización dirixida a grandes marcas, emprendedores e establecementos comerciais que se difundirá a través das redes sociais co cancelo #CatalàiEmpresa.
Fonte: Generalitat de Catalunya
Só o 51 % dos videoxogos creados en estudios de Cataluña está en catalán
Apenas a metade dos videoxogos creados por estudios de Cataluña están dispoñibles en catalán e do total de videoxogos existentes, só un 5,5 % está nesta lingua. Isto a pesar de que a Generalitat impulsa o seu uso, con subvencións e outras iniciativas, e das accións do activismo lingüístico.
Fonte: El Periódico
Preséntase Aina, unha iniciativa que nace para darlle presenza ao catalán no ámbito dixital
O Goberno de Cataluña acaba de poñer en marcha o proxecto Aina para crear un corpus lingüístico e modelos informáticos que permitan que o catalán se converta nunha lingua competitiva no mundo dixital. Búscase así que as empresas que desenvolven aplicacións baseadas na intelixencia artificial poidan empregalo ao mesmo nivel que outros idiomas como o inglés ou o castelán.
Fonte: La Vanguardia
Dez palabras relacionadas coa pandemia convértense en candidatas do ano a neoloxismo en catalán
A sétima edición da elección do neoloxismo catalán do ano ten xa dez palabras candidatas, todas relacionadas coa situación derivada da covid-19: conspiranoic, coronavirus, desconfinament, desescalada, grup bombolla, infodèmia, mascareta, teletreballar, traçabilitat e videotrucada. A gañadora optará a formar parte do dicionario normativo do Instituto de Estudos Cataláns.
Fonte: La Vanguardia
Preséntanse os resultados do estudo Ofercat en Rubí que analiza o uso do catalán no sector do comercio
Os resultados do estudo Ofercat en Rubí mostran que só un 37 % de comerciantes se dirixe de entrada ao público en catalán, mentres que un 57 % afirma que o fala cando o cliente se dirixe ao comercio nesta lingua.
Fonte: El Periódico
A Fundación Aspasim publica un videoclip para darlle visibilidade á lingua de signos catalá
A Fundación Aspasim publicou o videoclip "Cantem el Botó Màgic" en defensa da lingua de signos catalá no que participan máis de cen persoas, entre escolas, asociacións, familias e varios grupos musicais.
Fonte: La Vanguardia
Xa está dispoñible en liña o dicionario normativo de aranés
O dicionario normativo de aranés xa está dispoñible en liña. Conta cunhas 10 800 entradas, que incorporan a equivalencia catalá, 13 000 definicións, 1000 topónimos, 430 exemplos e 770 sinónimos.
Fonte: Generalitat de Catalunya
A norma ISO 17025 de laboratorios de ensaio e calibración xa está dispoñible en catalán
O TERMCAT elaborou a versión catalá da norma UNE-EN ISO/IEC 17025:2017 Requisitos xerais para a competencia dos laboratorios de ensaio e calibración, ao abeiro do acordo establecido coa Asociación Española de Normalización-UNE e o convenio asinado entre a Deputación de Barcelona e a Generalitat de Cataluña para impulsar o uso do catalán no ámbito empresarial.
Fonte: Generalitat de Catalunya
Boletín
Subscríbase ao boletín
