Cataluña
Convócase o Premio á creación de contidos audiovisuais en catalán, aranés e lingua de signos catalá
A Universidade de Barcelona, a Rede Vives de Universidades e Òmnium Cultural convocaron un premio á creación de contidos audiovisuais. Poderanse presentar a este galardón vídeos que se publicasen nunha rede social no ano 2020 nalgunha destas linguas: catalán, aranés ou lingua de signos catalá.
Fonte: Generalitat de Catalunya
Convócase o premio Jesús Tuson de recoñecemento a traballos que tratan sobre a diversidade lingüística
O premio Jesús Tuson, que convoca a Universidade de Barcelona, a Rede Vives de Universidades e Òmnium Cultural, recoñece os traballos, de docentes ou do alumnado, que tratan sobre a diversidade lingüística, xa sexan teses, artigos, libros ou capítulos de libro, entre outros formatos académicos.
Fonte: La Vanguardia
A Generalitat de Cataluña actualiza a guía para aprender catalán destinada a falantes de ruso
A Dirección Xeral de Política Lingüística actualizou e reeditou a guía Viure a Catalunya. Aprenem català des del rus dirixida á poboación de Cataluña falante de ruso que quere aprender catalá e que xa está dispoñible en formato dixital para a súa descarga.
Fonte: Generalitat de Catalunya
Comeza a Liga de Scrabble Escolar en catalán cun formato virtual
Por primeira vez, a Liga de Scrabble Escolar en catalán terá un formato virtual. Trátase dun campionato destinado ao alumnado de 5º de primaria ata 4º de secundaria de todos os territorios onde se fala esta lingua.
Fonte: Generalitat de Catalunya
A iniciativa elteunegoci.cat promoverá a creación de webs comerciais en catalán
O Consorcio para a Normalización Lingüística (CPNL) e a Fundación puntCAT colaborarán para poñer en marcha elteunegoci.cat, unha iniciativa coa que buscan impulsar a presenza do catalán e o seu uso no mundo dixital no ámbito socioeconómico.
Fonte: Generalitat de Catalunya
Unha obra sobre as leis políticas de Cataluña analiza os dereitos e os deberes lingüísticos
A obra Lleis polítiques de Catalunya. Comentaris, da editorial Marcial Pons, inclúe as principais leis políticas catalás, acompañadas de cadanseu comentario. Na terceira parte deste volume analízanse catro leis que regulan os dereitos e os deberes lingüísticos.
Fonte: Generalitat de Catalunya
Convócase a novena edición do Premio UPF-FESOCA de lingua de signos catalá
A Universidade Pompeu Fabra (UPF) e a Federación de Persoas Xordas de Cataluña (FESOCA) convocan o IX Premio UPF-FESOCA de lingua de signos catalá, un galardón que busca incentivar o coñecemento e a difusión desta lingua.
Fonte: Generalitat de Catalunya
Ábrese o prazo para presentar candidaturas aos Premios Martí Gasull i Roig de defensa do catalán
A Plataforma per la Llengua abriu o prazo para presentar propostas de candidaturas para unha nova edición dos Premios Martí Gasull i Roig, uns galardóns que recoñecen a traxectoria e as actividades de persoas e organizacións na defensa e a promoción da lingua catalá.
Fonte: Plataforma per la Llengua
A Dirección Xeral Política Lingüística de Cataluña subtitulou ou dobrou ao catalán máis de 1600 contidos audiovisuais no ano 2020
Ao longo do ano 2020 dobráronse ou subtituláronse en catalán máis de 1600 contidos co apoio da Generalitat de Cataluña. Por poñer algún exemplo, colaborou con 33 distribuidoras que estrearon 93 películas nesta lingua; así mesmo, apoiou contidos distribuídos en plataformas en liña e en formatos físicos (DVD e Blu-ray).
Fonte: Generalitat de Catalunya
"Coronavirus" convértese no neoloxismo do ano en lingua catalá
O Observatorio de Neoloxía da Universidade Pompeu Fabra e o Instituto de Estudos Cataláns escolleron "coronavirus" como neoloxismo do ano 2020 en catalán.
Fonte: Catalunya Ràdio
Boletín
Subscríbase ao boletín
