O cine informou que, co seu ciclo “CineCiutat, bon dia”, proxectará películas en catalán ou subtituladas nesta lingua dúas mañás por semana durante o verán para aumentar a oferta lúdica e cultural de Palma en horario matinal e contribuír ao obxectivo do cine de normalizar e ampliar o uso da lingua catalá na cultura e no ocio.

Fonte: Mallorcadiario.com

O Goberno balear pide á sociedade que grave as súas voces para crear unha base de datos que se facilitará ás empresas tecnolóxicas co obxectivo de que os dispositivos electrónicos entendan o catalán en toda a súa diversidade lingüística.

Fonte: Diario de Mallorca

O Goberno balear comprométese a aumentar a oferta de cursos de catalán da Escola Balear de Administración Pública para os funcionarios, que terán que presentarse obrigatoriamente ás probas organizadas por esta escola e a Dirección Xeral de Política Lingüística para obter o certificado de coñecementos da lingua catalá correspondente.

Fonte: Crónica Balear

O pleno do Concello de Manacor aproba a inclusión de cláusulas lingüísticas nos pregos de condicións da contratación de obras e servizos para fomentar o uso público da lingua catalá, de modo que as empresas contratadas deberán garantir o seu uso nos bens, obras e servizos obxecto do contrato.

Fonte: Última hora

O Plan de formación lingüística e cultural (FOLC), xunto co nivel C1 de catalán, será imprescindible para calquera proceso selectivo de acceso ao corpo de persoal docente a partir de 2023.

Fonte: Diario de Mallorca

O Goberno balear destinará unha partida de 700 000 euros ás axudas para os medios de comunicación en catalán, o que supón un incremento de 65 000 euros respecto á anterior convocatoria.  

Fonte: Mallorca Diario

O evento terá lugar en Palma, no marco do Mallorca Game, a convención de videoxogos máis grande celebrada en Baleares. Poderán visitala persoas de todas as idades, usuarios habituais de videoxogos e persoas que queren descubrilos.

Fonte: Ara Balears

O Goberno insular destinará 350.000 á convocatoria de subvencións para a produción cultural en catalán, o que supón un aumento de 50.000 euros respecto ao ano pasado. En concreto, estas axudas buscan fomentar a produción e a edición, en formato físico e dixital, de libros, audiolibros e fonogramas nesta lingua.

Fonte: La Vanguardia

Plataforma per la Llengua é a entidade adxudicataria dun contrato do Goberno insular, por valor de 241 395 euros e cunha duración de 21 meses, para realizar actividades na illa de Mallorca que impulsen o uso do catalán como lingua de cohesión social.

Fonte: Diario de Mallorca

A Dirección Insular de Política Lingüística publicou dúas convocatorias de axudas para impulsar o uso do catalán, unha para empresas e outra para entidades, destinadas a etiquetaxe, materiais impresos, rótulos, cartas de restaurantes, páxinas web, aplicacións móbiles, códigos QR etc.

Fonte: La Vanguardia