Illas Baleares

O Concello de Palma de Mallorca crea un servizo de dinamización lingüística

Este novo servizo de dinamización lingüística, de carácter temporal, terá un custo anual de 95 000 euros. Está previsto que poña en marcha catro programas co obxectivo lograr un maior uso social do catalán: sociocultural, escolar, intercultural e un destinado a comercios e empresas.

Fonte: Diario de Mallorca

Illas Baleares

O Goberno balear convoca axudas destinadas a actuacións de fomento do uso do catalán

A Dirección Xeral de Política Lingüística convocou unha liña de axudas, das que se poden beneficiar concellos e entidades sen ánimo de lucro, destinadas a actuacións para impulsar o emprego da lingua catalá por un importe de 225 000 euros.  

Fonte: Nou Diari

Illas Baleares

O Goberno balear convoca axudas para os medios de comunicación en catalán

Esta convocatoria anual de axudas por valor de 575 000 euros está destinada aos medios de comunicación en catalán e ten como obxectivo impulsar a presenza desta lingua nos medios do arquipélago.

Fonte: UH Noticias

Illas Baleares

O Goberno balear publica unha base de datos de discos en catalán

A Dirección Xeral de Política Lingüística presentou unha base de datos de discos en catalán editados no arquipélago balear entre setembro de 2018 e marzo de 2020. O obxectivo desta iniciativa é impulsar a contratación de artistas que cantan nesta lingua, así como divulgar a oferta cultural neste idioma.

Fonte: La Vanguardia

Illas Baleares

Piden o uso de topónimos en catalán nas denominacións de orixe eivisencas

O Institut d’Estudis Eivissencs (IEE) demanda a utilización do nome en catalán dos topónimos e os alimentos nas denominacións de orixe, xa que nas campañas destes produtos postas en marcha polo Goberno da illa non sempre se fai.

Fonte: Periódico de Ibiza

Illas Baleares

Piden que a Oficina de Defensa dos Dereitos Lingüísticos das Baleares asuma tamén a defensa e a promoción da lingua signos

Unidas Podemos rexistrou unha proposición non de lei para instar o Goberno balear a garantir que a futura Oficina de Defensa dos Dereitos Lingüísticos fomente e defenda a lingua de signos.

Fonte: 20minutos

Illas Baleares

A Universidade das Illas Baleares ofrecerá o vindeiro curso un mestrado en competencia lingüística e literaria

O Goberno balear autorizou un novo mestrado para que imparta a Universidade das Illas Baleares o vindeiro curso 2020-2021 sobre competencia lingüística e literaria, investigación e ensino.

Fonte: 20minutos

Illas Baleares

O Goberno balear presenta unha campaña para compartir palabras en catalán a través das redes sociais o día de San Jordi

«Per Sant Jordi, una paraula!» é unha iniciativa participativa coa que o Goberno balear pretende que a cidadanía comparta palabras en catalán a través das redes sociais o 23 de abril, día de San Jordi, co cancelo #parauladesantjordi.

Fonte: Govern Illes Balears

Illas Baleares

O Goberno de Mallorca crea stickers en WhatsApp para fomentar o catalán

A nova campaña de dinamización lingüística consta de sesenta stickers para impulsar o catalán a través do WhatsApp, que conteñen motivos divertidos con expresións e palabras que se utilizan habitualmente nas conversas desta rede social.

Fonte: Consell de Mallorca

Illas Baleares

A Dirección Insular de Política Lingüística de Mallorca organiza un concurso sobre lingua e literatura en catalán nas redes sociais

Co obxectivo de ofrecer un entretemento intelectual durante o confinamento por mor do coronavirus, o Consell de Mallorca convoca un concurso nas súas redes sociais sobre lingua e literatura en catalán.  

Fonte: 20minutos

Illas Baleares

Boletín

Subscríbase ao boletín

Logo Feder