A Dirección Xeral de Política Lingüística do Goberno balear impulsa conferencias e obradoiros sobre asertividade lingüística nas catro illas, co obxectivo de facer que a poboación reflexione sobre os seus hábitos lingüísticos e animala a usar máis o catalán.

Fonte: Diario de Ibiza

O importe da convocatoria para o fomento do uso da lingua catalá é de 345 000 euros e outorgarase un máximo de 6000 euros por entidade ou empresa para accións realizadas entre o 1 de maio de 2022 e o 30 de abril de 2023. Así, o Consell cumprirá o seu obxectivo de garantir o dereito de todos os consumidores a recibir información en xeral, documentos relacionados coas entidades e documentación do ámbito comercial nesta lingua e facer que vivan nun ambiente que os incite a empregala con normalidade.

Fonte: Economía de Mallorca

O Goberno das Illas Baleares anuncia unha nova convocatoria de axudas para os medios escritos e audiovisuais comprometidos co uso do catalán, para contribuír a responder ás súas necesidades e fomentar a presenza desta lingua no panorama comunicativo do arquipélago.

Fonte: Crónica Balear

Dado que España exercerá a presidencia do Consello da Unión Europea, nove entidades do ámbito económico e social, como a Cámara de Comercio de Barcelona e a Obra Cultural Balear, reúnense na Universidade das Illas Baleares (UIB) para pedirlle ao Goberno central que reclame a oficialidade do catalán e que esta lingua estea ao mesmo nivel que o resto de linguas similares.

Fonte: Última Hora

O Consell de Mallorca destinará 150 000 euros á convocatoria de axudas destinadas aos concellos da illa para que dispoñan de rótulos, indicadores e sinalización en catalán.

Fonte: Última Hora

A modificación da lei de función pública ou a de normalización lingüística de forma integral abordarase para que as exoneracións do coñecemento do catalán na sanidade non sexan xeneralizadas e que se analice caso por caso á hora de aplicar algunha excepción.

Fonte: Periódico de Ibiza y Formentera

A nova normativa sobre os usos lingüísticos nos estudos de grao para a Universidade das Illas Baleares ten dous obxectivos: garantir o dereito á seguridade lingüística e aumentar o uso do catalán na docencia nas titulacións nas que sexa minoritario.

Fonte: Diario de Mallorca

O Goberno balear e o Instituto de Estudos Baleáricos (IEB) reeditaron a publicación Viure a les Illes Balears, un vocabulario en imaxes con palabras referidas a situacións comunicativas da vida cotiá que ten como obxectivo darlles a coñecer a realidade lingüística do arquipélago aos novos residentes.

Fonte: GOIB

Distribuiranse uns 11 000 agasallos (unha bolsa que inclúe unha carta en doce linguas, dous triángulos para o coche e un disco con arrolos en catalán)  en todas as maternidades co obxectivo de poñer en valor a diversidade lingüística e facilitar o coñecemento do catalán entre as xeracións futuras.

Fonte: La Vanguardia

Baixo o lema «La llengua camina», estas excursións para practicar o catalán organízanse no marco da campaña «Mou la llengua». As primeiras levaranse a cabo en Mallorca e Menorca, pero proximamente chegarán tamén a Formentera e Eivisa.

Fonte: Mallorca Diario