Illas Baleares

O Departamento de Cultura, Patrimonio e Política Lingüística de Mallorca repartirá axudas entre empresas e entidades que fomenten o catalán

Destinaranse 150 000 euros en axudas a empresas e entidades que impulsen o uso do catalán. En concreto subvencionaranse accións como etiquetaxe, carteis, merchandaxe, páxinas web etc.

Fonte: Diario de Mallorca

Illas Baleares

O Parlamento balear aproba unha proposición non de lei que recoñece a unidade da lingua catalá

A proposición non de lei, presentada por Més per Menorca, recoñece a unidade do catalán, sen que isto supoña un menosprezo doutras denominacións existentes para esta lingua.

Fonte: Mallorca Diario

Illas Baleares

O Concello de Palma presenta o seu Servizo de Dinamización Lingüística

O Servizo de Dinamización Lingüística do Concello de Palma conta con dúas dinamizadoras socioculturais e unha coordinadora, e dispón dun orzamento de 120 000 euros. Con este proxecto búscase garantir o dereito da cidadanía de coñecer a lingua catalá e impulsar o seu uso.

Fonte: Última Hora

Illas Baleares

O Concello de Palma deseña unha guía de recursos do catalán

A Guía de recursos del catalán en Palma, impulsada polo Concello, distribuirase en bibliotecas municipais e puntos de atención cidadá co obxectivo de fomentar a dinamización lingüística.

Fonte: La Vanguardia

Illas Baleares

O Goberno balear esixe que o topónimo Maó sexa a única forma oficial que utilice este Concello

O Executivo balear esíxelle ao Concello de Maó, na illa de Menorca, que, en cumprimento da Lei de normalización lingüística, adopte a versión catalá e oficial do topónimo (Maó)  como única denominación do municipio.

Fonte: Diario de Mallorca

Illas Baleares

Lanzan a web Mallorcat, unha ferramenta de autoaprendizaxe en liña do catalán

A Dirección Insular de Política Lingüística creou Mallorcat, unha ferramenta web para a autoaprendizaxe do catalán de nivel inicial, pero que tamén serve de recurso didáctico para docentes.  

Fonte: La Vanguardia

Illas Baleares

O Goberno balear pon en marcha a Oficina de Defensa dos Dereitos Lingüísticos

A nova Oficina de Defensa dos Dereitos Lingüísticos é un novo organismo público centrado, principalmente, en tramitar reclamacións sobre vulneración dos devanditos dereitos. Así mesmo, atenderá consultas sobre a normativa que os ampara e divulgará información sobre a materia.

Fonte: Mallorca Confidencial

Illas Baleares

Arredor de 8100 persoas no arquipélago balear están inscritas nas probas de lingua catalá

As probas de lingua catalá da Dirección Xeral de Política Lingüística das Baleares celebraranse durante os meses de xaneiro e febreiro de 2021. Nelas inscribíronse 8122 persoas, o que supón un incremento de case 2000 inscricións respecto á última convocatoria.

Fonte: Menorca

Illas Baleares

Comeza unha campaña en Eivisa para fomentar a participación no programa de Voluntariado Lingüístico

O Instituto de Estudos Eivisencos organiza unha nova campaña para promover a participación no programa de Voluntariado Lingüístico, unha iniciativa que busca dinamizar o uso social do catalán na illa a través da formación de parellas lingüísticas e encontros en grupo.

Fonte: Diario de Ibiza

Illas Baleares

O Goberno balear destina 575 000 euros en subvencións a medios de comunicación en catalán

O Goberno balear concedeu axudas por valor de 575 000 euros a medios de comunicación en catalán do arquipélago, tanto prensa como publicacións especializadas, radio e televisión. Con esta liña de subvencións o executivo busca garantir o dereito lingüístico da cidadanía a recibir información nesta lingua.

Fonte: Última Hora

Illas Baleares

Boletín

Subscríbase ao boletín

Logo Feder