Illas Baleares

Organízase un obradoiro de introdución ao catalán para a xuventude chegada recentemente a Baleares

A Dirección Xeral de Política Lingüística pon en marcha un novo obradoiro de acollida lingüística para un grupo de persoas recentemente chegadas ás Illas Baleares onde se combina a formación en lingua catalá con actividades como o teatro, a cociña ou as visitas a establecementos locais para practicar a lingua.

Fonte: Govern Illes Balears

Illas Baleares

O Goberno balear pon en marcha a campaña “Benvinguts!” para aproximar o catalán a turistas

A Dirección Xeral de Política Lingüística inicia de novo a campaña “Benvinguts!” para transmitir a realidade lingüística de Baleares e acercar o catalán ás persoas que visitan o arquipélago.

Fonte: 20 minutos

Illas Baleares

O Instituto de Estudos Eivisencos organiza obradoiros de conversación en catalán para persoas adultas

O Instituto de Estudos Eivisencos levará a cabo os seus obradoiros desde o día 2 ao 31 de agosto coa colaboración do Concello de Eivisa. O seu obxectivo é fomentar o uso social do catalán, sobre todo entre aquelas persoas que xa contan con nocións básicas da lingua pero que aínda non se animan a falala.

Fonte: Periódico de Ibiza

Illas Baleares

O Goberno balear crea o premio Aina Moll dotado con 3000 euros para especialistas en lingüística catalá

O premio vai dirixido ao alumnado que presente traballos na próxima edición da Escola de Verán de Lingüística Catalá (EDELC) co obxectivo de fomentar a investigación, recoñecer a figura de Moll como filóloga e lingüista e favorecer a interacción e as colaboracións cos especialistas para crear unha rede de apoio en estudos lingüísticos sobre a lingua catalá.

Fonte: 20 minutos

Illas Baleares

O Goberno das Illas Baleares impulsa a elaboración dun informe sobre a situación do catalán

A proposta da Comisión Permanente do Consello Social da Lingua Catalá, o Goberno balear impulsa a elaboración dun informe sobre a situación do catalán coa finalidade de determinar os obxectivos cumpridos e os que están pendentes.

Fonte: Última Hora

Illas Baleares

O Consell de Mallorca destina 80 000 euros a subvencións para a promoción do catalán

O Consell de Mallorca outórgalles unha subvención nominativa de 60 000 euros á Institución Pública Antoni Maria Alcover e outra de 20 000 euros á Escola Municipal de Mallorquí para promover a lingua catalá, a cultura e as tradicións mallorquinas.

Fonte: Última Hora

Illas Baleares

O Goberno das Illas Baleares convoca axudas por 225 000 euros para o fomento do catalán

A Consellería de Fondos Europeos, Universidade e Cultura comunica que estas axudas se distribuirán entre concellos, persoas físicas e asociacións sen ánimo de lucro que levaron a cabo actuacións para fomentar o uso do catalán.

Fonte: Última Hora

Illas Baleares

O Goberno das Illas Baleares celebra o 25 aniversario da Declaración Universal de Dereitos Lingüísticos

A Oficina de Defensa dos Dereitos Lingüísticos organiza un acto de conmemoración dos 25 anos da Declaración Universal de Dereitos Lingüísticos, no que se destacou a súa posta en práctica como un dos mellores indicadores de calidade dun sistema democrático.

Fonte: 20 minutos

Illas Baleares

O Goberno das Illas Baleares protexe o ensino en catalán no seu proxecto de lei de educación

A lei establece que polo menos un 50 % das clases se impartirá en catalán para garantir que, ao acabar o período do ensino obrigatorio, o alumnado teña adquirido competencias fluídas nesta lingua e en castelán, ademais dunha terceira lingua estranxeira. O obxectivo é que as dúas linguas oficiais se empreguen na ensinanza para asegurar o proceso de normalización lingüística.

Fonte: La Vanguardia

Illas Baleares

O Goberno convoca subvencións destinadas a fomentar o catalán nos medios de comunicación das Illas Baleares

As axudas convocadas para o ano 2021 contan cun valor de 635 000 euros e van dirixidas a medios de comunicación en catalán, escritos e audiovisuais, co obxectivo de garantir a súa estabilidade. A convocatoria contribuirá a manter postos de traballo neste sector.

Fonte: 20 minutos

Illas Baleares

Boletín

Subscríbase ao boletín

Logo Feder