Illas Baleares
Só unha de cada seis familias escolle o castelán como primeira lingua de instrución nas Illas Baleares
O Goberno das Illas Baleares informou de que o 78,5 % das familias escolleron o catalán como primeira lingua de instrución para os seus fillos e fillas para o curso 2024-2025 no segundo ciclo de educación infantil. Só o 16% restante escolleu o castelán.
Fonte: Diario de Mallorca
O Goberno en minoría das Illas Baleares seguirá co seu plan de libre elección de lingua no ensino
A pesar da recente ruptura da coalición que PP e Vox tiñan no Goberno das Illas Baleares, o executivo balear declarou que seguirá adiante co seu plan de libre elección de lingua no ensino.
Fonte: Onda Cero
Propoñen unha campaña para fomentar os dereitos lingüísticos no ámbito sanitario balear
A Plataforma per la Llengua propón unha campaña para promover os dereitos lingüísticos no ámbito da saúde, dirixida a pacientes e profesionais sanitarios, unha proposta considerada como positiva polo Goberno balear.
Fonte: Última Hora
Ponse en marcha unha campaña en Baleares para a preservación dos nomes e os apelidos en catalán
O Servizo Lingüístico da Universidade das Illas Baleares, en colaboración co Instituto de Estudos Baleáricos, lanzou a campaña «Què noms?» para promover a correcta inscrición de nomes e apelidos en catalán e animar a cidadanía a facer o cambio no Rexistro Civil.
Trinta municipios de Mallorca comprométense a que a metade das actuacións das súas festas sexa en catalán
Unha trintena de municipios de Mallorca comprometéronse a que, como mínimo, a metade das actuacións musicais das verbenas sexan en catalán, para o que esixirán que as bandas contratadas toquen un 50 % dos seus temas nesta lingua, para incrementar a súa presenza nas festas.
Fonte: Última Hora
Reclaman que se incorpore a perspectiva da lingua ao pacto para a sostibilidade das Illas Baleares
A Obra Cultural Balear reclama que se aborde o impacto do turismo na sostibilidade lingüística das Illas Baleares. Co apoio de diversas entidades e personalidades, demandan que a perspectiva lingüística se incorpore ao pacto social e político para a sostibilidade do Goberno do arquipélago, xa que sinalan que, sen esta consideración, a situación crítica da lingua e a cultura locais podería agravarse.
Fonte: Diari de la Llengua
Ningún centro público se acolle ao plan de libre elección lingüística do Goberno balear
Ningún dos 221 centros públicos das Illas Baleares vai adherirse ao Plan piloto de libre elección de lingua impulsado polo Goberno do arquipélago.
Fonte: Diari de la Llengua
O Boletín Oficial das Illas Baleares publica o Plan piloto de elección de lingua nos centros educativos
Este Plan piloto aplicarase de maneira progresiva a partir do vindeiro curso nos centros educativos que se adhiran voluntariamente e busca que ao finalizar o ensino obrigatorio o alumnado sexa competente no uso do catalán e o castelán.
Fonte: Ara Balears
Persoal sanitario de Menorca súmase á campaña «Sanitaris per la Llengua»
O persoal sanitario de Menorca portará distintivos nas súas batas que identifiquen os profesionais que falan catalán, unha iniciativa que xa se levou a cabo en Mallorca.
Fonte: Menorca
O coñecemento do catalán deixa de ser un requisito para traballar no Concello de Palma
O Pleno do Concello de Palma aprobou que o catalán deixe de ser un requisito para traballar no consistorio, unha norma que afectará tanto ao persoal do Concello como ao das empresas municipais.
Fonte: Diari de la Llengua
Boletín
Subscríbase ao boletín
