Illas Baleares
A Semana do Libro en Catalán de Mallorca finalizou con 1500 libros vendidos
A XVIII Semana do Libro en Catalán de Mallorca, na que participaron nove librarías da illa, finalizou despois de catro días cuns resultados positivos, xa que se venderon 1500 libros e facturáronse 22 000 euros.
Fonte: Mallorcadiario.com
A Escola Balear de Administración Pública convocará preto de 1000 prazas para cursos de lingua catalá
A Escola Balear de Administración Pública presentou o Plan de Formación de Lingua Catalá que prevé unha oferta dunhas 1000 prazas para cursos de catalán destinados ao persoal das Administración Públicas das illas Baleares.
Fonte: La Vanguardia
Solicitan a creación dunha oficina de dereitos lingüísticos en Menorca
A coalición MÉS por Menorca solicitou a creación dunha oficina de dereitos lingüísticos mediante unha emenda ao proxecto de Lei de orzamentos do Goberno das Illas Baleares para o ano 2018. Con esta proposta preténdese proporcionarlles amparo administrativo ás persoas discriminadas por mor da lingua.
Fonte: La Vanguardia
O Goberno das Illas Baleares presenta unha campaña para fomentar a compra de xoguetes en lingua catalá
O Goberno das Illas Baleares presentou unha campaña para impulsar a venda de xoguetes en lingua catalá e promover o uso desta lingua no ámbito lúdico. Baixo o título de "E ti, xogas en catalán?", a campaña está dirixida a tendas que venden xoguetes en catalán e pretende darlles máis visibilidade para fomentar o seu consumo entre a cidadanía.
Fonte: El Mundo
O Consello de Mallorca destinará máis dun millón de euros á política lingüística no ano 2018
O Consello de Mallorca dedicará 1,2 millóns de euros á política lingüística no ano 2018 para impulsar a normalización da lingua. O orzamento destinarase ao pagamento das axudas pendentes de 2008, á organización do Ano Llompart e á recuperación da liña de subvencións aos rótulos en catalán.
Fonte: UltimaHora.es
Aumentan as inscricións para certificar o nivel de catalán nas illas Baleares
A Consellería de Cultura, Participación e Deportes das illas Baleares anunciou a publicación da listaxe definitiva de persoas admitidas nas probas de xaneiro de 2018 para obter os certificados oficiais de coñecemento de catalán. En total, 7910 persoas inscribíronse nestas probas, o que supón un aumento do 127% nos dous últimos anos.
Fonte: Diario de Ibiza
A Dirección de Política Lingüística de Mallorca fomentará o catalán no Instituto de Estudos Baleáricos
A Dirección de Política Lingüística de Mallorca achega cada ano 9000 euros para impulsar a aprendizaxe da lingua catalá no Instituto de Estudos Baleáricos, un organismo dependente do Goberno das Illas Baleares que organiza cursos de catalán en Mallorca. Para complementar esta achega económica, tamén compartirá material didáctico e bibliográfico e difundirá as actividades organizadas polas dúas institucións.
Fonte: La Vanguardia
O Goberno das Illas Baleares fomenta a lingua catalá no eido da seguridade viaria
O Goberno das Illas Baleares creou uns adhesivos en catalán para identificar os vehículos nos que viaxan nenos. De acordo coa Consellería de Cultura, esta iniciativa busca "fomentar a visibilidade da lingua catalá nas rúas das aldeas e cidades" do arquipélago.
Fonte: Menorca.info
O Concello de Eivisa impulsa unha campaña para dar a coñecer termos eivisencos relacionados co Entroido
O Servizo de Normalización Lingüística do Concello de Eivisa impulsou unha campaña para dar a coñecer termos eivisencos vinculados ao Entroido. Segundo un comunicado do Concello, a finalidade da campaña é relacionar diversas "tradicións desta festividade coas súas palabras correctas", polo que está dirixida "á cidadanía en xeral, con diferentes graos de coñecemento da lingua catalá".
Fonte: Periódico de Ibiza
Ponse en marcha nas Illas Baleares unha campaña parar garantir atención en catalán no ámbito sanitario
A ONG Plataforma per la Llengua móstrase a favor de manter a lingua catalá no ámbito sanitario balear, para o cal solicitou que non se modifique a esixencia da lingua como requisito para os traballadores da sanidade pública das illas.
Fonte: La Vanguardia
Boletín
Subscríbase ao boletín
