Illas Baleares

Solicitan a creación dunha oficina de dereitos lingüísticos en Menorca

A coalición MÉS por Menorca solicitou a creación dunha oficina de dereitos lingüísticos mediante unha emenda ao proxecto de Lei de orzamentos do Goberno das Illas Baleares para o ano 2018. Con esta proposta preténdese proporcionarlles amparo administrativo ás persoas discriminadas por mor da lingua.

Fonte: La Vanguardia

Illas Baleares

O Goberno das Illas Baleares presenta unha campaña para fomentar a compra de xoguetes en lingua catalá

O Goberno das Illas Baleares presentou unha campaña para impulsar a venda de xoguetes en lingua catalá e promover o uso desta lingua no ámbito lúdico. Baixo o título de "E ti, xogas en catalán?", a campaña está dirixida a tendas que venden xoguetes en catalán e pretende darlles máis visibilidade para fomentar o seu consumo entre a cidadanía.

Fonte: El Mundo

Illas Baleares

O Consello de Mallorca destinará máis dun millón de euros á política lingüística no ano 2018

O Consello de Mallorca dedicará 1,2 millóns de euros á política lingüística no ano 2018 para impulsar a normalización da lingua. O orzamento destinarase ao pagamento das axudas pendentes de 2008, á organización do Ano Llompart e á recuperación da liña de subvencións aos rótulos en catalán.

Fonte: UltimaHora.es

Illas Baleares

Aumentan as inscricións para certificar o nivel de catalán nas illas Baleares

A Consellería de Cultura, Participación e Deportes das illas Baleares anunciou a publicación da listaxe definitiva de persoas admitidas nas probas de xaneiro de 2018 para obter os certificados oficiais de coñecemento de catalán. En total, 7910 persoas inscribíronse nestas probas, o que supón un aumento do 127% nos dous últimos anos.

Fonte: Diario de Ibiza

Illas Baleares

A Dirección de Política Lingüística de Mallorca fomentará o catalán no Instituto de Estudos Baleáricos

A Dirección de Política Lingüística de Mallorca achega cada ano 9000 euros para impulsar a aprendizaxe da lingua catalá no Instituto de Estudos Baleáricos, un organismo dependente do Goberno das Illas Baleares que organiza cursos de catalán en Mallorca. Para complementar esta achega económica, tamén compartirá material didáctico e bibliográfico e difundirá as actividades organizadas polas dúas institucións.

Fonte: La Vanguardia

Illas Baleares

O Goberno das Illas Baleares fomenta a lingua catalá no eido da seguridade viaria

O Goberno das Illas Baleares creou uns adhesivos en catalán para identificar os vehículos nos que viaxan nenos. De acordo coa Consellería de Cultura, esta iniciativa busca "fomentar a visibilidade da lingua catalá nas rúas das aldeas e cidades" do arquipélago.

Fonte: Menorca.info

Illas Baleares

O Concello de Eivisa impulsa unha campaña para dar a coñecer termos eivisencos relacionados co Entroido

O Servizo de Normalización Lingüística do Concello de Eivisa impulsou unha campaña para dar a coñecer termos eivisencos vinculados ao Entroido. Segundo un comunicado do Concello, a finalidade da campaña é relacionar diversas "tradicións desta festividade coas súas palabras correctas", polo que está dirixida "á cidadanía en xeral, con diferentes graos de coñecemento da lingua catalá".

Fonte: Periódico de Ibiza

Illas Baleares

Ponse en marcha nas Illas Baleares unha campaña parar garantir atención en catalán no ámbito sanitario

A ONG Plataforma per la Llengua móstrase a favor de manter a lingua catalá no ámbito sanitario balear, para o cal solicitou que non se modifique a esixencia da lingua como requisito para os traballadores da sanidade pública das illas.

Fonte: La Vanguardia

Illas Baleares

O catalán é a lingua maioritaria nos centros educativos das Illas Baleares

Catro de cada cinco centros educativos públicos de Baleares imparten a maioría das materias soamente en lingua catalá. Esta proporción é menor no que respecta aos centros privados e concertados, xa que aproximadamente un de cada tres imparte as clases só en catalán.

Fonte: ABC

Illas Baleares

Centros educativos das Baleares comparten as súas experiencias de dinamización lingüística nas aulas

Máis de trinta centros educativos procedentes de diferentes áreas das Illas Baleares celebraron un encontro no que compartir as súas ideas e proxectos para fomentar e dinamizar o uso da lingua catalá nas aulas para ao alumnado de educación infantil, primaria, secundaria e adultos.

Fonte: 20 Minutos

Illas Baleares

Boletín

Subscríbase ao boletín

Logo Feder