Navarra
O 43% dos alumnos da Universidade Pública de Navarra cre que o éuscaro debería ter "maiores dereitos"
O 43% dos alumnos da Universidade Pública de Navarra (UPNA) cre que o éuscaro debería ter no futuro un novo tratamento regulado por lei que permita "maiores dereitos" no uso e o ensino desta lingua.
Fonte: Europa Press
Cinco centros de Navarra estrearán en setembro o novo programa plurilingüe, tres deles en éuscaro
Cinco centros públicos navarros estrearán o vindeiro curso os novos programas plurilingües deseñados polo Departamento de Educación (un outorga preeminencia ao castelán e o outro ao éuscaro).
Fonte: Diario de Noticias
Valórase "positivamente" o grao de cumprimento en Navarra da Carta Europea das Linguas Minoritarias
O conselleiro de Educación do Goberno de Navarra, Carlos Pérez-Nievas, realizou unha valoración "positiva" do grao de cumprimento en Navarra da Carta Europea das Linguas Rexionais e Minoritarias, xa que o informe remitido polo Comité de Expertos asegura que se cumpren "todos" os compromisos na zona vascófona.
Fonte: Europa Press
O conselleiro navarro de Educación di que se destinarán 9.500 euros para medios en éuscaro
O conselleiro de Educación do Goberno de Navarra, Carlos Pérez-Nievas, afirmou que o Executivo demostrou "cumprir" co seu compromiso co éuscaro e que se este ano se destinarán 9.500 euros para subvencionar os medios de comunicación en éuscaro é polo "reaxuste" orzamentario debido á situación económica.
Fonte: Europa Press
Varias entidades locais de Navarra engadirán o nome en éuscaro á denominación en español
O Ministerio de Administracións Públicas (MAP) inscribiu no Rexistro das Entidades Locais o cambio da denominación de 18 delas. As modificacións consisten en establecer os nomes en éuscaro que, xunto coas denominacións en castelán, constituirán os novos nomes oficiais desas entidades locais.
Fonte: Europa Press
O ensino en éuscaro mantén o seu espazo en Navarra e sitúase arredor das 1.900 prematrículas
O ensino en éuscaro non decae e mantén o seu espazo no sistema educativo navarro con preto de 1.900 preinscricións para o vindeiro curso 2009-2010, segundo datos provisionais.
Fonte: Noticias de Navarra
O 71% das empresas navarras imparte formación lingüística aos seus traballadores
O 71 % das empresas realizou algún tipo de actividade de formación lingüística nos últimos tres anos dirixida a traballadores, segundo revelan os datos do diagnóstico realizado dentro do programa Lingua Empresa que promove o Goberno de Navarra.
Fonte: Europa Press
Comeza en Tudela a Korrika, unha carreira a prol do éuscaro
A décimo sexta edición da Korrika botará a andar o 26 de marzo en Tudela e acabará once días despois en Vitoria. É a primeira vez que a popular carreira organizada por AEK arrinca nesta localidade navarra.
Fonte: El Correo Digital
O Parlamento de Navarra insta o Goberno foral a valorar a implantación dunha emisora en éuscaro
A comisión de Educación aprobou, coa oposición de Unión del Pueblo Navarro, unha resolución pola que se insta o Goberno de Navarra a valorar a implantación dunha emisora de radio que emita integramente en éuscaro.
Fonte: Finanzas
O comisario de Multilingüismo da UE aposta por que os europeos "aprendan idiomas diferentes" e "non só o inglés"
O comisario de Multilingüismo da Unión Europea, Leonard Orban, considera que os europeos "deben aprender idiomas diferentes" e "non só o inglés", ao existir dentro da comunidade "unha riqueza enorme" de linguas que "deberían ser aprendidas". Orban pronunciouse así nunha rolda de prensa que ofreceu en Pamplona, con motivo da súa visita a Navarra.
Fonte: Europa Press
Boletín
Subscríbase ao boletín
