Navarra
O Instituto Navarro del Vascuence-Euskarabidea convoca axudas para actividades en éuscaro
O Instituto Navarro del Vascuence-Euskarabidea fixo pública a convocatoria de axudas para a realización de actividades culturais en éuscaro e de fomento desta lingua nas tecnoloxías da información e a comunicación.
Fonte: ABC
O 99 % de inmigrantes residentes en Navarra domina o castelán
O 99,3 % da poboación inmigrante residente en Navarra domina o castelán nunha conversa. Así o constata a Enquisa á Poboación Inmigrante 2008, impulsada polo Goberno foral.
Fonte: Diario de Navarra
Catro novos municipios poderían incluírse na zona lingüística mixta de Navarra
Os máximos responsables do Partido Socialista de Navarra (PSN) e Converxencia de Demócratas de Navarra (CDN) anunciaron que apoiarán a ampliación da zona lingüística mixta de Navarra aos municipios de Noáin, Beriáin, Aranguren e Galar, coa condición de que os concellos destas catro localidades se manifesten a favor desta modificación por maioría absoluta do pleno.
Fonte: Europa Press
O presidente de Navarra rompe o pacto de Goberno pola reforma da Lei do éuscaro
O presidente de Navarra, Miguel Sanz, anunciou a ruptura do pacto entre UPN e CDN, socios no Executivo foral desde 2003. Sanz xa advertira de que a quebra era inevitable se CDN non rectificaba a súa postura favorable a unha reforma da Lei foral do éuscaro.
Fonte: El Correo Digital
O novo conselleiro de Educación de Navarra apoia o acordo polo éuscaro co País Vasco
O novo conselleiro de Educación, Alberto Catalán, apostou por afondar na colaboración co País Vasco iniciada en materia de éuscaro coa sinatura dun protocolo xeral o pasado mes de xullo, "un avance posible grazas ao evidente cambio de actitude no Goberno vasco", segundo Catalán.
Fonte: Diario de Navarra
Nafarroa Bai esixe a través dunha emenda a cooficialidade do éuscaro en toda Navarra
O grupo parlamentario de Nafarroa Bai ten previsto presentar unha emenda de substitución á proposta de modificación da Lei foral do éuscaro de Izquierda Unida de Navarra (IUN) na que esixe a cooficialidade das dúas linguas propias de Navarra en todo o territorio.
Fonte: Noticias de Gipuzkoa
O Departamento navarro de Educación traballa para que o EGA (Certificado de Coñecemento do Éuscaro) se admita a nivel europeo
O Departamento de Educación do Goberno de Navarra está a traballar intensamente para que o título EGA (Euskararen Gaitasun Agiria, isto é, Certificado de Coñecemento do Éuscaro) se recoñeza a nivel europeo en 2010 ou 2011, como moi tarde.
Fonte: Noticias de Navarra
Presentan a primeira web de Navarra con lingua de signos
A Asociación de Persoas Xordas de Navarra (Asorna) presenta a súa páxina web, a primeira da comunidade foral accesible a persoas xordas, oíntes e cegas, un proxecto subvencionado pola Fundación ONCE.
Fonte: Noticias de Navarra
Os medios de comunicación en éuscaro de Navarra quedarán en 2010 sen axudas do Goberno foral
O Goberno foral investirá en 2010 cero euros para promover o éuscaro nos medios de comunicación navarros, o que significa que por primeira vez en 23 anos quedarán sen subvención.
Fonte: Noticias de Navarra
A Mancomunidade navarra de Sakana pon en marcha unha campaña para impulsar o uso do éuscaro no comercio e a hostalería
Co fin de impulsar o uso do éuscaro nos comercios e establecementos de hostalería da comarca, a Mancomunidade de Sakana puxo en marcha a campaña Eskatu euskaraz eman. Para isto, editou diferentes materiais en éuscaro que os comerciantes interesados poden recibir de forma gratuíta.
Fonte: Noticias de Navarra
Boletín
Subscríbase ao boletín
