Navarra
O Parlamento navarro pide unha radio pública en éuscaro a través dun acordo con RTVE
O pleno do Parlamento de Navarra aprobou unha moción do Partido Socialista Navarro pola que se insta o Goberno da comunidade a que elabore e poña en marcha un plan de dinamización e desenvolvemento do sector audiovisual, incluíndo a creación dunha radio pública en éuscaro a través dun acordo coa corporación de RTVE.
Fonte: 20minutos
Unhas 3.000 persoas maniféstanse en Pamplona a favor do éuscaro
Miles de persoas, unhas 3.000 segundo a organización, manifestáronse o día 28 de marzo en Pamplona, convocadas por pais e nais da zona non vascófona, para esixir a plena oficialidade do éuscaro en todo o territorio de Navarra.
Fonte: Diario de Navarra
Dous terzos da poboación avogan por que o ensino en éuscaro se oferte en toda Navarra
O último estudo elaborado polo Departamento de Educación reflicte que dous terzos da poboación enquisada avoga por que o ensino en éuscaro se oferte en toda Navarra. Unha petición que é totalmente maioritaria na zona vascófona (o 82% dos seus habitantes) pero tamén alcanza porcentaxes elevadas na zona mixta (67,5%) e a non vascófona (61%).
Fonte: Noticias de Navarra
Aumenta un 38 % en cinco anos o número de alumnos que cursa materias en éuscaro na Universidade Pública de Navarra
Os alumnos matriculados nalgunha das materias que se ofertan en éuscaro na Universidade Pública de Navarra aumentaron un 38 % nos últimos cinco cursos académicos.
Fonte: Noticias de Navarra
A manifestación que reivindica o dereito a vivir en éuscaro en Navarra conta xa con 1.600 adhesións
A manifestación que o vindeiro sábado 15 de maio reivindicará polas rúas de Pamplona o dereito a vivir en éuscaro na Comunidade Foral segue recibindo apoios procedentes de todos os ámbitos da sociedade navarra.
Fonte: Noticias de Navarra
O Goberno foral destina 149.000 euros para financiar actividades da Real Academia da Lingua Vasca en Navarra
O Goberno de Navarra e a Real Academia da Lingua Vasca-Euskaltzaindia prorrogaron o convenio de colaboración entre ambas as institucións para 2010, segundo o cal o Executivo foral destinará 149.000 euros para financiar as actividades referentes ao éuscaro que a academia desenvolve en Navarra.
Fonte: 20minutos
O pleno do Parlamento de Navarra rexeita unha moción para garantir a elección de modelo lingüístico
O pleno do Parlamento de Navarra rexeitou unha moción de NaBai que lle pedía á Cámara que declarase a súa vontade de garantir o dereito dos pais a elixir o modelo lingüístico educativo para os seus fillos e instase o Goberno a promover iniciativas e recursos para o modelo D.
Fonte: Diario de Navarra
Tan só no 1 % dos postos da Administración foral de Navarra se esixe o éuscaro como requisito
Tan só para acceder ao 1 % dos postos de traballo da Administración foral de Navarra é preceptivo o coñecemento do éuscaro. Hai outras prazas no Goberno nas que o éuscaro conta como mérito, pero este só representa o 1 ou 2 % do total.
Fonte: Noticias de Navarra
O Goberno foral e a Universidade de Navarra impulsan o éuscaro entre os futuros xornalistas
O Goberno foral e a Universidade de Navarra asinaron un convenio de colaboración para impulsar a formación en éuscaro dos futuros xornalistas.
Fonte: ABC
Denuncian en Navarra "retrocesos" no ensino en éuscaro
Varios sindicatos e organizacións denunciaron os "graves retrocesos" que se están a dar, ao seu xuízo, no ensino en éuscaro en Navarra.
Fonte: Diario de Navarra
Boletín
Subscríbase ao boletín
