Navarra
O Goberno navarro e a Universidade de Navarra asinan un convenio para impulsar a formación en éuscaro de futuros xornalistas
O acordo pretende mellorar e ampliar a formación dos estudantes universitarios, potenciando as prácticas nos medios de comunicación que utilizan o éuscaro para a difusión dos seus contidos.
Fonte: 20 minutos
O Goberno de Navarra destina un orzamento 11 veces menor para fomentar o éuscaro que para as linguas foráneas
Nos últimos cinco anos, o orzamento do Goberno de Navarra destinado á promoción do éuscaro reduciuse un 81% mentres que a partida dirixida ao fomento das linguas estranxeiras creceu un 124%.
Fonte: Noticias de Navarra
Reclaman un "verdadeiro" Plan de normalización do éuscaro para a Universidade Pública de Navarra
Varias organizacións reclamaron un "verdadeiro" Plan de normalización para a Universidade Pública de Navarra. Neste sentido, esixíronlle ao equipo reitoral que "garanta os dereitos dos estudantes euscaldúns" e animaron a estes a que teñan en conta a actual oferta e se matriculen nas materias que se ofertan en éuscaro.
Fonte: Noticias de Navarra
A diversidade lingüística do Camiño de Santiago protagoniza unha exposición itinerante que inicia en Pamplona o seu percorrido
O secretario xeral de Política Lingüística da Xunta de Galicia, Anxo Lorenzo, e o director xerente de Euskarabidea (Instituto Navarro del Vascuence), Xabier Azanza, inauguraron en Pamplona a exposición itinerante Diversidade cultural e lingüística no Camiño de Santiago, que tamén viaxará a Santiago de Compostela e a Kiel, en Alemaña, ata o próximo mes de decembro.
Fonte: Xunta de Galicia
O Concello de Pamplona convoca o XXII Concurso literario en éuscaro para autores noveis
Xa se puxo en marcha o XXII Concurso literario en éuscaro para autores noveis que organiza o Concello de Pamplona, cuxas obras se poden presentar en cada unha das modalidades ata o 13 de outubro. Na anterior edición, en 2008, presentáronse un total de trece traballos nas distintas categorías.
Fonte: Noticias de Navarra
A oferta de grupos de inglés na Universidade Pública de Navarra chega a 65 materias de seis graos
A oferta de grupos de inglés na Universidade Pública de Navarra crecerá o próximo curso case un 63% con respecto ao pasado ano, ao pasar de 40 a 65 materias impartidas nesta lingua.
Fonte: Noticias de Navarra
As materias en éuscaro da Universidade Pública de Navarra seguen crecendo e pasan de 117 a 152
O número de materias que a Universidade Pública de Navarra imparte en éuscaro segue a súa tendencia ascendente de cara ao próximo curso, aínda que o ritmo de crecemento é moito menor que o rexistrado en 2010-2011. En concreto, a oferta de materias en éuscaro aumentará un 30%, ao pasar de 117 a 152.
Fonte: Noticias de Navarra
O Consello Navarro do Éuscaro insta a que Euskarabidea conserve as súas competencias
O Consello Navarro do Éuscaro decidiu deixar sobre a mesa o decreto que regula os novos estatutos de Euskarabidea (Instituto Navarro do Éuscaro) para que a nova redacción conteña os mesmos obxectivos que tiña ata agora e conservar, entre outras cousas, a potestade do instituto de emitir informes sobre políticas lingüísticas a organismos públicos para o fomento desta lingua sen necesidade de que llo pidan, así como xestionar a convocatoria de axudas aos medios de comunicación.
Fonte: Noticias de Navarra
Nove localidades navarras ofertan o programa 3Blai co obxectivo de promover o éuscaro entre os rapaces
“Relacionar o éuscaro con pasalo ben, que os nenos e mozos non asocien esta lingua só co ámbito académico". Este é o obxectivo do programa 3Blai, unha aposta que comparten nove concellos de toda Navarra.
Fonte: Noticias de Navarra
Miles de persoas dan o seu apoio un ano máis ao éuscaro no Nafarroa Oinez, a festa das ikastolas de Navarra
Tafalla reuniu a miles de persoas no Nafarroa Oinez para dar un ano máis o seu apoio ao éuscaro na festa das ikastolas privadas.
Fonte: Diario Vasco
Boletín
Subscríbase ao boletín
