Navarra
O Instituto Navarro do Éuscaro lanza unha campaña de Nadal para promover o uso do vasco
O Instituto Navarro do Éuscaro activou a campaña de Nadal 'Gabonetan, euskaraz ere bai! 2010' ('No Nadal, tamén en éuscaro, 2010'), organizada por terceiro ano consecutivo para promover o uso do éuscaro en actividades lúdicas relacionadas con estas festas.
Fonte: 20 minutos
NaBai propón que o éuscaro sexa oficial en toda Navarra
NaBai vai presentar no Parlamento unha proposición de lei do éuscaro para que se derrogue a actual normativa e se recoñeza a oficialidade do vasco en "todo o territorio da Comunidade foral".
Fonte: Diario de Navarra
O Goberno de Navarra subvenciona traducións automáticas ao éuscaro en concellos
O Goberno de Navarra aprobou destinar 12.341 euros á implantación de sistemas de tradución automática ao éuscaro en diversas entidades locais, e conceder outros 15.427 euros máis ao de Pamplona para promover actividades en éuscaro e a reciclaxe lingüística do persoal.
Fonte: ABC
Uns 130 alumnos estranxeiros de ESO reciben clases de español en Navarra
Uns 130 alumnos estranxeiros non castelanfalantes matriculados na ESO (12-16 anos) asisten a clases para aprender español nos seus colexios ou institutos en Navarra.
Fonte: Diario de Navarra
Navarra rexeita unha lei para facer oficial o éuscaro
O pleno do Parlamento de Navarra rexeitou a toma en consideración dunha proposición de lei foral de normalización do éuscaro en Navarra, presentada por Nafarroa Bai, que propuña derrogar a normativa vixente e estender a oficialidade do éuscaro en toda a Comunidade foral.
Fonte: Europa Press
O Goberno de Navarra e a Academia da Lingua Vasca prorrogan o seu convenio
O Goberno de Navarra e a Real Academia da Lingua Vasca (Euskaltzaindia) prorrogaron o convenio de colaboración entre ambas as institucións para o ano 2011. Segundo recolle o convenio, o Goberno de Navarra destinará este ano 149.000 euros para financiar as actividades referentes ao éuscaro que a Academia desenvolve na Comunidade Foral.
Fonte: ABC
O Goberno navarro e a Universidade de Navarra asinan un convenio para impulsar a formación en éuscaro de futuros xornalistas
O acordo pretende mellorar e ampliar a formación dos estudantes universitarios, potenciando as prácticas nos medios de comunicación que utilizan o éuscaro para a difusión dos seus contidos.
Fonte: 20 minutos
O Goberno de Navarra destina un orzamento 11 veces menor para fomentar o éuscaro que para as linguas foráneas
Nos últimos cinco anos, o orzamento do Goberno de Navarra destinado á promoción do éuscaro reduciuse un 81% mentres que a partida dirixida ao fomento das linguas estranxeiras creceu un 124%.
Fonte: Noticias de Navarra
Reclaman un "verdadeiro" Plan de normalización do éuscaro para a Universidade Pública de Navarra
Varias organizacións reclamaron un "verdadeiro" Plan de normalización para a Universidade Pública de Navarra. Neste sentido, esixíronlle ao equipo reitoral que "garanta os dereitos dos estudantes euscaldúns" e animaron a estes a que teñan en conta a actual oferta e se matriculen nas materias que se ofertan en éuscaro.
Fonte: Noticias de Navarra
A diversidade lingüística do Camiño de Santiago protagoniza unha exposición itinerante que inicia en Pamplona o seu percorrido
O secretario xeral de Política Lingüística da Xunta de Galicia, Anxo Lorenzo, e o director xerente de Euskarabidea (Instituto Navarro del Vascuence), Xabier Azanza, inauguraron en Pamplona a exposición itinerante Diversidade cultural e lingüística no Camiño de Santiago, que tamén viaxará a Santiago de Compostela e a Kiel, en Alemaña, ata o próximo mes de decembro.
Fonte: Xunta de Galicia
Boletín
Subscríbase ao boletín
