Navarra
O pleno do Parlamento de Navarra rexeita unha moción para garantir a elección de modelo lingüístico
O pleno do Parlamento de Navarra rexeitou unha moción de NaBai que lle pedía á Cámara que declarase a súa vontade de garantir o dereito dos pais a elixir o modelo lingüístico educativo para os seus fillos e instase o Goberno a promover iniciativas e recursos para o modelo D.
Fonte: Diario de Navarra
Tan só no 1 % dos postos da Administración foral de Navarra se esixe o éuscaro como requisito
Tan só para acceder ao 1 % dos postos de traballo da Administración foral de Navarra é preceptivo o coñecemento do éuscaro. Hai outras prazas no Goberno nas que o éuscaro conta como mérito, pero este só representa o 1 ou 2 % do total.
Fonte: Noticias de Navarra
O Goberno foral e a Universidade de Navarra impulsan o éuscaro entre os futuros xornalistas
O Goberno foral e a Universidade de Navarra asinaron un convenio de colaboración para impulsar a formación en éuscaro dos futuros xornalistas.
Fonte: ABC
Denuncian en Navarra "retrocesos" no ensino en éuscaro
Varios sindicatos e organizacións denunciaron os "graves retrocesos" que se están a dar, ao seu xuízo, no ensino en éuscaro en Navarra.
Fonte: Diario de Navarra
O 55 % das materias de 1.º da Universidade Pública de Navarra poderá estudarse en éuscaro e o 16 % en inglés
A Universidade Pública de Navarra deseñou un plan para os primeiros cursos (ou os dous primeiros semestres) de 12 dos 16 graos adaptados ao Espazo Europeo de Educación Superior que impartirá o próximo curso, co obxectivo de que os alumnos teñan a opción de estudar en éuscaro en 72 materias e en inglés en 40.
Fonte: Diario de Navarra
Sindicatos e colectivos euscaldúns animan á matriculación en éuscaro na Universidade Pública de Navarra
Representantes de diversos colectivos e sindicatos animaron á matriculación en materias en éuscaro para o próximo curso na Universidade Pública de Navarra e instaron o equipo reitoral a "garantir" os dereitos dos cada vez máis alumnos universitarios euscaldúns.
Fonte: Noticias de Navarra
O Consello Navarro do Éuscaro crea unha Comisión de Terminoloxía
O Consello Navarro do Éucaro aprobou, a proposta do Instituto Navarro do Vasco, a creación dunha Comisión de Terminoloxía integrada polos membros do órgano asesor, así como dunha Subcomisión Técnica, formada por persoas alleas á comisión.
Fonte: ABC
O Instituto Navarro do Éuscaro concede 220.000 euros a medios de comunicación para promover a presenza do éuscaro
O Instituto Navarro do Éuscaro-Euskarabidea concederá axudas por valor de 220.000 euros a diversos medios de comunicación, tanto impresos, como radios, televisións e a través de internet, para promover "a progresiva presenza do éuscaro".
Fonte: Diario de Navarra
O Tribunal Superior de Xustiza de Navarra volve ditaminar que o éuscaro se valore como mérito nas oposicións
Os xuíces volveron ditaminar que o coñecemento do éuscaro debe ser valorado como mérito nas convocatorias de emprego público. Así consta nunha nova sentenza asinada pola Sala do Contencioso-Administrativo do Tribunal Superior de Xustiza de Navarra relacionada cunhas oposicións convocadas polo Servizo Navarro de Saúde-Osasunbidea.
Fonte: Noticias de Navarra
A web do Goberno de Navarra acolle un dicionario para falar en éuscaro cos nenos
O Goberno de Navarra colgou na súa páxina web un dicionario para falar con nenos en éuscaro ideado polo persoal do ciclo de 0 a 3 anos e que inclúe ademais un CD con cancións que se pode tamén descargar.
Fonte: ABC
Boletín
Subscríbase ao boletín
