Navarra
A Mancomunidade navarra de Sakana pon en marcha unha campaña para impulsar o uso do éuscaro no comercio e a hostalería
Co fin de impulsar o uso do éuscaro nos comercios e establecementos de hostalería da comarca, a Mancomunidade de Sakana puxo en marcha a campaña Eskatu euskaraz eman. Para isto, editou diferentes materiais en éuscaro que os comerciantes interesados poden recibir de forma gratuíta.
Fonte: Noticias de Navarra
Máis de 15.300 clientes elixen o éuscaro para comunicarse coa Caixa de Aforros de Navarra
En total, 60.066 clientes (un 9 por cento) falan ca Caixa de Aforros de Navarra nunha lingua distinta ao castelán e deles case 45.000 dialogan coa entidade en catalán, segundo informou esta caixa nun comunicado.
Fonte: ABC
Máis de 1.600 alumnos de Navarra cambian de modelo lingüístico por problemas co éuscaro
Uns 1.900 escolares de toda Navarra (o 2 % do total) cambiaron o curso pasado de modelo lingüístico ao terminar educación infantil, primaria ou secundaria.
Fonte: Diario de Navarra
O ensino en éuscaro mantén en Navarra o seu espazo pese aos cambios demográficos
O ensino en éuscaro na Comunidade Foral mantén o seu espazo tanto nos centros públicos como nas ikastolas, como reflicten os datos provisionais de prematrícula. O ensino nesta lingua manterá o número de aulas en Navarra, se ben os movementos demográficos provocarán que algúns centros públicos perdan alumnado.
Fonte: Noticias de Navarra
Todos os grupos do Parlamento navarro, agás UPN, están a favor da modificación da Lei do éuscaro
O pleno do Parlamento de Navarra aprobará o xoves día 18 de febreiro, na primeira sesión plenaria do novo curso, a modificación da Lei do éuscaro, presentada por Esquerda Unida de Navarra (IUN), e que amplía a zona mixta a Aranguren, Belascoáin, Noáin e Galar.
Fonte: Diario de Navarra
A modificación restritiva da lei do éuscaro de Navarra apróbase de forma definitiva
A lei do éuscaro modificouse por primeira vez nos seus case 24 anos de percorrido. Só nesta lexislatura, lograr que se movan as fronteiras da zonificación lingüística custou o debate de tres proposicións de lei.
Fonte: Noticias de Navarra
O Valedor do Pobo de Navarra proponlle ao Goberno foral que potencie o vasco na zona mixta
O Valedor do Pobo de Navarra, Javier Enériz, recomendoulle ao Goberno foral que elabore un regulamento para desenvolver a Lei foral do vasco e cubra as "lagoas" que presenta esta lei na zona mixta, para potenciar, desenvolver e fomentar o uso do vasco nesta zona, que é onde se centra o maior número de habitantes de Navarra, "gran parte deles falantes de vasco", observou o Valedor.
Fonte: Diario de Navarra
Pais da zona non vascófona de Navarra convocan unha manifestación en Pamplona por "unha escolarización en éuscaro"
Un grupo de pais da zona non vascófona convocou unha manifestación para o domingo 28 de marzo en Pamplona, para reivindicar o seu "dereito a escolarizar os nenos en éuscaro" e esixirlle ao Goberno de Navarra "os mesmos dereitos" que os pais da zona vascófona e mixta.
Fonte: Noticias de Navarra
Asociacións e cidadáns reclaman o "dereito a vivir en éuscaro" en Navarra
Cerca dun centenar de persoas fixo público un manifesto, impulsado por Euskararen Gizarte Erakunden Kontseilua, no que piden que se respecte o seu "dereito a vivir en éuscaro en Navarra". Este será, precisamente, o lema da manifestación que convocaron para o próximo día 15 de maio en Pamplona.
Fonte: Noticias de Navarra
Nafarroa Bai esixe recursos para garantir a elección do modelo lingüístico D en toda Navarra
Nafarroa Bai esixiulle ao Goberno foral a implantación do modelo D na rede pública de toda Navarra e reivindicou o "dereito das familias a elixir en liberdade" o modelo lingüístico para os seus fillos.
Fonte: Noticias de Navarra
Boletín
Subscríbase ao boletín
