Navarra
Aumentan un 16 % os navarros que apoian o uso e promoción do éuscaro nas dúas últimas décadas
A actitude favorable cara á promoción do uso do éuscaro en todos os territorios onde se fala esta lingua aumentou sete puntos nas últimas dúas décadas, ao pasar do 47,5 % ao 55,2 %. No entanto, o maior aumento desta actitude positiva percíbese en Navarra, onde en 1991 había un 21,6 % de habitantes en favor de promover o éuscaro e na actualidade sitúase en 37,7 %.
Fonte: Noticias de Navarra
O partido político NaBai pide que os nomes oficiais das rúas de Pamplona sexan bilingües
A voceira de NaBai no Concello de Pamplona anunciou que o seu grupo presentará unha moción para esixir que os nomes oficiais das rúas da cidade sexan bilingües.
Fonte: Diario de Navarra
O Goberno de Navarra elimina das placas da Policía Foral a denominación en éuscaro
As novas credenciais da Policía Foral de Navarra, outorgadas ás últimas promocións de funcionarios que ingresaron na organización, carecen da denominación en éuscaro e unicamente conteñen a inscrición en castelán.
Fonte: Noticias de Navarra
Rexeitan a proposición para regular o éuscaro na prensa en Navarra
O Pleno do Parlamento de Navarra rexeitou a proposición de lei de modificación da Lei foral do éuscaro para regular a presenza desta lingua na prensa.
Fonte: Diario de Navarra
O Concello de Pamplona e a Escola Navarra de Teatro asinan un convenio para financiar actividades relacionadas co éuscaro
O alcalde de Pamplona e a directora administrativa da Escola Navarra de Teatro asinaron un convenio de colaboración para subvencionar actividades relacionadas coas artes escénicas nas que se utilice o éuscaro como lingua de expresión.
Fonte: Europa Press
Navarra Televisión traducirá ao éuscaro algúns dos seus programas
O Instituto Navarro do Éuscaro, organismo autónomo dependente do Goberno foral, traducirá ao éuscaro parte dos contidos emitidos nesta lingua pola canle autonómica Navarra Televisión.
Fonte: Diario Vasco
A Universidade Pública de Navarra convoca un concurso de curtametraxes sobre o uso do éuscaro
A Dirección de Planificación Lingüística da Universidade Pública de Navarra convocou o I Concurso de Vídeos Curtos 'Euskera aukera’ co obxectivo de promover o uso normalizado desta lingua no centro universitario.
Fonte: Europa Press
O Concello de Tafalla publica un decálogo para normalizar o éuscaro
Todos os grupos políticos do Concello de Tafalla, xunto a asociacións veciñais, centros educativos e outros colectivos representados na Comisión Municipal do Éuscaro, subscribiron o Decálogo Municipal no que apostan polo uso normalizado e o fomento do éuscaro na localidade.
Fonte: Noticias de Navarra
O Teatro Gayarre de Pamplona acollerá varios espectáculos infantís en éuscaro
O Teatro Gayarre de Pamplona acollerá varios espectáculos infantís en éuscaro, da man das compañías Kresala, Hika Teatroa e Teatro Paraíso.
Fonte: Noticias de Navarra
Máis de 2000 persoas participaron nas actividades culturais en éuscaro promovidas polo Goberno de Navarra
Un total de 2028 persoas participou o ano pasado nas actividades culturais en éuscaro que organizou o Goberno de Navarra, a través do Instituto Navarro do Éuscaro, no marco do programa Kultur Zikloa.
Fonte: Europa Press
Boletín
Subscríbase ao boletín
