Navarra
A Universidade Pública de Navarra convoca un concurso de curtametraxes sobre o uso do éuscaro
A Dirección de Planificación Lingüística da Universidade Pública de Navarra convocou o I Concurso de Vídeos Curtos 'Euskera aukera’ co obxectivo de promover o uso normalizado desta lingua no centro universitario.
Fonte: Europa Press
O Concello de Tafalla publica un decálogo para normalizar o éuscaro
Todos os grupos políticos do Concello de Tafalla, xunto a asociacións veciñais, centros educativos e outros colectivos representados na Comisión Municipal do Éuscaro, subscribiron o Decálogo Municipal no que apostan polo uso normalizado e o fomento do éuscaro na localidade.
Fonte: Noticias de Navarra
O Teatro Gayarre de Pamplona acollerá varios espectáculos infantís en éuscaro
O Teatro Gayarre de Pamplona acollerá varios espectáculos infantís en éuscaro, da man das compañías Kresala, Hika Teatroa e Teatro Paraíso.
Fonte: Noticias de Navarra
Máis de 2000 persoas participaron nas actividades culturais en éuscaro promovidas polo Goberno de Navarra
Un total de 2028 persoas participou o ano pasado nas actividades culturais en éuscaro que organizou o Goberno de Navarra, a través do Instituto Navarro do Éuscaro, no marco do programa Kultur Zikloa.
Fonte: Europa Press
O alumnado da Universidade Pública de Navarra debe lograr o nivel B1 en lingua estranxeira para poder graduarse
Os estudantes de grao da Universidade Pública de Navarra deberán amosar unha competencia lingüística en inglés, francés, alemán ou italiano equivalente ou superior ao nivel B1 (intermedio) para graduarse.
Fonte: Noticias de Navarra
Varios colectivos de Navarra animan á matriculación en éuscaro
A proximidade das datas de matriculación fixo que Garean reunise varios colectivos coa idea de “animar a apuntar os nenos e nenas nos centros onde se imparta o modelo D, de ensino en éuscaro”.
Fonte: Noticias de Navarra
Varios grupos políticos únense para pedir, polo menos, unha radio en éuscaro na comarca de Pamplona
Nafarroa Bai, Bildu, Aralar e Esquerda-Ezkerra de Pamplona presentaron unha moción conxunta para instar o Goberno de Navarra a que “coa maior brevidade”, solicite ao Ministerio de Industria, Comercio e Turismo “a ampliación do número de licenzas destinadas á demarcación de Pamplona, de forma que poida garantirse que, polo menos, unha delas sexa concedida a unha radio con programación íntegra en éuscaro".
Fonte: Noticias de Navarra
Nace Lingua 2.0, un portal de consulta para español e inglés no ámbito académico e profesional
Co apoio de Innovación Educativa e da Facultade de Filosofía e Letras da Universidade de Navarra, desenvolveuse Lingua 2.0, un portal de axuda e consulta permanente en español e inglés no ámbito académico e profesional destinado a toda a comunidade universitaria e a todas as persoas que queiran desenvolver as súas habilidades comunicativas.
Fonte: Universia
A asociación Sortzen-Ikasbatuaz reclamará en Villatuerta (Navarra) o dereito a vivir en éuscaro
A asociación Sortzen-Ikasbatuaz convoca a miles de persoas para que acudan o día 21 de abril a Villatuerta co obxectivo de reivindicar entre todos o dereito a vivir e estudar en éuscaro. Precisamente, Villatuerta é unha das moitas localidades navarras que están incluídas na zona non vascófona, segundo a Lei do éuscaro, e dáse a circunstancia de que cada día uns 31 nenos de Villatuerta se trasladan ata Estella para estudar en éuscaro.
Fonte: Noticias de Navarra
Navarra renova o seu convenio coa Real Academia da Lingua Vasca
O Goberno de Navarra e a Real Academia da Lingua Vasca prorrogaron para este ano 2013 a colaboración que ambas as institucións manteñen desde 1918 coa sinatura dun convenio.
Fonte: Diario de Navarra
Boletín
Subscríbase ao boletín
