Navarra
A oferta das escolas oficiais de idiomas de Navarra increméntase nun 11 % para o curso 2013-2014
As escolas oficiais de idiomas de Navarra incrementaron nun 11,3 % a súa oferta formativa para o curso 2013-2014. Por un lado, consolidouse a oferta presencial nos centros de Pamplona e de Tudela e, por outro, fomentáronse outras modalidades impartidas pola escola oficial a distancia.
Fonte: Noticias de Navarra
Diferentes localidades navarras celebran a II Semana da Lingua de Signos
Diferentes localidades da Comunidade Foral, como Tafalla, Elizondo e Tudela, ademais de Pamplona, acollen a II Semana da Lingua de Signos. Este acto coincide, por un lado, co Día Europeo das Linguas e, por outro, co Día Internacional das Persoas Xordas, que desde os anos 50 celebran asociacións de persoas xordas de todo o mundo.
Fonte: Noticias de Navarra
Inauguran na localidade navarra de Lodosa un euskaltegi para potenciar o uso do éuscaro
Xa abriu as súas portas na localidade de Lodosa o euskaltegi de AEK, que nace co obxectivo de “potenciar e impulsar o éuscaro nunha zona non vascófona”.
Fonte: Noticias de Navarra
Pamplona e a Academia da Lingua Vasca renovan o convenio para fomentar o éuscaro
O Concello de Pamplona e a Real Academia da Lingua Vasca, Euskaltzaindia, renovaron o convenio para o fomento e promoción da lingua vasca entre a cidadanía da capital navarra.
Fonte: ABC
O Val de Aranguren aproba unha ordenanza para fomentar o éuscaro
O Concello de Val de Aranguren aprobou a primeira ordenanza que regula o uso e fomento do éuscaro neste municipio que en 2010 quedou incorporado á zona mixta.
Fonte: Diario de Navarra
O Departamento navarro de Interior elimina a rotulación en éuscaro de varios coches novos da Policía Foral
A omisión da denominación Foruzaingoa vulneraría a lexislación sobre o uso do éuscaro nas Administracións Públicas de Navarra, que establece que todos os elementos de identificación dos servizos centrais deben redactarse en bilingüe.
Fonte: Noticias de Navarra
O éuscaro perdura en Navarra por elección de moitos navarros
“O éuscaro perdurou en Navarra porque moitos navarros optaron por aprendelo e criar os seus fillos e fillas nesta lingua”, segundo unha das conclusións da tese de doutoramento da filóloga Paula Kasares, lida na Universidade Pública de Navarra.
Fonte: Diario de Navarra
Mostran un apoio masivo a favor do éuscaro na festa das ikastolas de Tudela
Miles de persoas “latexaron” polo éuscaro no Nafarroa Oinez. Cos termómetros a máis de 20 graos en Tudela, os organizadores da festa das ikastolas navarras formaron parte dunha celebración que esperaba congregar unhas 100 000 persoas.
Fonte: Diario de Navarra
A Cátedra de Lingua e Cultura Vasca da Universidade de Navarra celebra o seu 50 aniversario
A directora da Cátedra, María del Mar Larraza, explicou que, con ocasión deste aniversario, a Cátedra ”actualiza o seu obxectivo principal de promover a difusión do éuscaro e da cultura vasca no espazo universitario”, segundo informou nunha nota a Universidade de Navarra.
Fonte: Noticias de Navarra
A lingua de rotulación dos coches da Policía Foral decídese por “criterios xeográficos”
O conselleiro de Presidencia, Xustiza e Interior do Goberno de Navarra, Javier Morrás, asegurou que o idioma da rotulación dos coches da Policía Foral se decide por “criterios xeográficos” e afirmou que o seu departamento “non deu instrución ningunha de substituír as rotulacións en bilingüe por só en castelán”.
Fonte: La Información
Boletín
Subscríbase ao boletín
