Navarra
O Concello de Pamplona apoia unha iniciativa para aprender a crear libros ilustrados en éuscaro
Trátase dun programa a través do cal se organizará un obradoiro de ilustración e narración para aprender a crear libros ilustrados en éuscaro.
Fonte: Noticias de Navarra
O Goberno de Navarra modificará a Lei do éuscaro para incluír once novos concellos na zona mixta
Once concellos que ata o momento se encontraban na zona non vascófona solicitaron unha modificación da lei para pasar a formar parte da zona mixta. Trátase de Abaigar, Aibar, Améscoa Baja, Ancín, Artazu, Cabredo, Cirauqui, Mendigorría, Murieta, Villatuerta e Zúñiga.
Fonte: Navarra.com
O Club Atlético Osasuna primará na súa contratación de persoal as persoas que saiban falar éuscaro
Na súa proposta de novos estatutos, o club inclúe un punto no que se especifica que o coñecemento de éuscaro se primará na contratación de persoal e se facilitara a aprendizaxe desta lingua entre as súas traballadoras e traballadores.
Fonte: Navarra.com
O Concello de Pamplona incrementa as axudas para a promoción do éuscaro
As axudas do Concello de Pamplona pasarán dos 65 000 a 82 500 euros, o que significa un incremento de case un 27%, e estarán destinadas a entidades sen ánimo de lucro que leven a cabo proxectos de fomento do éuscaro.
Fonte: Pamplona Actual
Case trinta municipios navarros incorporaranse á zona mixta grazas á modificación da Lei do éuscaro
Estes concellos, a petición propia, pasarán da “zona non vascófona” á “zona mixta”, un proceso que garantirá o dereito ao uso público do éuscaro como lingua propia aos seus máis de 33 000 habitantes.
Fonte: Noticias de Navarra
A Universidade Pública de Navarra prevé un incremento da oferta en éuscaro
O conselleiro de Educación do Goberno de Navarra sinalou que a Universidade Pública de Navarra ten previsto incrementar para o ano 2019 os créditos en éuscaro un 16,5 %.
Fonte: Noticias de Navarra
Navarra adhírese ao protocolo de política lingüística integrado por Galicia, País Vasco, Cataluña e Baleares
O Goberno de Navarra aprobou a adhesión ao Protocolo xeral de colaboración en materia de política lingüística entre a Generalitat de Cataluña, a Xunta de Galicia, o Goberno vasco e o Goberno balear.
Fonte: Última Hora
O Parlamento de Navarra acolle a presentación dun dicionario dedicado ao léxico parlamentario
O Diccionario jurídico parlamentario básico - Oinarrizko hiztegi juridiko parlamentarioa é unha obra impulsada pola Real Academia da Lingua Vasca que unifica o léxico parlamentario en éuscaro.
Fonte: Noticias de Navarra
O Concello de Pamplona convoca axudas para impulsar o emprego do éuscaro entre a mocidade
O Concello de Pamplona destinará 20 000 euros a axudas para que mozas e mozos da cidade poñan en marcha proxectos culturais e artísticos en éuscaro.
Fonte: Pamplona Actual
Pamplona acollerá unha xornada sobre deporte e éuscaro
O Goberno de Navarra e Euskarabidea organizaron para o vindeiro xoves 27 de abril unha xornada titulada 'Deporte y euskera, reflexiones y desafíos'.
Fonte: Navarra Información
Boletín
Subscríbase ao boletín
