País Vasco
Handia podería converterse no primeiro film rodado en éuscaro en chegar aos premios Óscar
Handia é a película en éuscaro máis vista da historia. Conseguiu dez dos trece premios Goya aos que estaba nomeada e agora competirá por chegar aos Óscar na categoría de Mellor película de fala non inglesa.
Fonte: Play Ground
Comeza a segunda edición do Glocal in Progres, unha actividade para linguas non hexemónicas dentro do Festival de Cine de San Sebastián
Glocal in Progress, unha iniciativa que se enmarca no Festival de Cine de San Sebastián e que está destinada a películas en linguas non hexemónicas, presenta, na súa edición deste ano, tres filmes en grego, lituano e turco.
Fonte: Audiovisual 451
O Concello de Agurain outorgará 10 000 euros en bolsas para o estudo do éuscaro
Este Concello ten como obxectivo normalizar o éuscaro e incrementar o seu coñecemento e a súa utilización por parte dos veciños. Para iso, a dotación orzamentaria para este ano ascende a 10 000 euros que se destinarán a unha serie de axudas.
Fonte: Noticias de Álava
O Concello de San Sebastián aproba o seu Plan para normalizar o uso do éuscaro
O Concello puxo en marcha o sexto Plan para normalizar o uso do éuscaro, o cal terá unha vixencia de cinco anos e ten como obxectivo que esta lingua sexa utilizada en todos os ámbitos.
Fonte: ABC
O Tribunal Superior de Xustiza de Navarra avala o éuscaro como requisito para o funcionariado se a súa necesidade está xustificada
O Tribunal Superior de Xustiza di que o éuscaro é a lingua propia de Navarra e que a administración pode asignar a determinados postos do seu cadro de persoal o perfil de éuscaro como requisito cando está xustificado.
Fonte: Diario de Navarra
O Concello de Soraluze pon en marcha un programa para impulsar a presenza do éuscaro no sector comercial
O Concello de Soraluze, a través do programa Euskera Merkatarizara, quere fomentar o uso do éuscaro nos establecementos comerciais e coñecer cal é a situación desta lingua no sector.
Fonte: Diario Vasco
O Goberno vasco destinará 1 650 000 euros a apoiar o uso e a presenza do éuscaro nas empresas
O Departamento de Cultura e Política Lingüística intenta que as empresas deseñen e xestionen os seus propios plans de éuscaro para fomentar o uso desta lingua.
Fonte: Finanzas.com
O Goberno vasco convoca axudas para a elaboración de materiais curriculares en éuscaro
O Goberno vasco aprobou unha orde pola que se convocan axudas para a elaboración de materiais curriculares en éuscaro destinados ao profesorado por un importe de 125 000 euros.
Fonte: El Diario
A RAG participa na constitución do Padroado de Honra do Centenario da Academia da Lingua Vasca
A RAG, representada polo seu presidente, Víctor Freixanes, participou en Bilbao na Constitución do Padroado de Honra do Centenario da Academia da Lingua Vasca ou Euskaltzaindia. Na súa intervención, o presidente da RAG avogou pola necesidade dun posicionamento común a prol da pluralidade lingüística do Estado español recoñecida constitucionalmente.
Fonte: RAG
As institucións responsables da política lingüística do País Vasco reflexionan sobre o uso do éuscaro
A Euskaltzaindia ou Real Academia da Lingua Vasca e a Fundación Sabino Arana destacan nun seminario en Bilbao a traxectoria que experimentou o coñecemento do éuscaro e reflexionan sobre o seu uso.
Fonte: Eitb
Boletín
Subscríbase ao boletín
