País Vasco
Recollen nun libro o modo de impulsar o uso do éuscaro nas empresas de Lasarte-Oria
O libro Nola sustatu euskara udalerriko enpresetan. Lasarte-Oriako Udalaren esperientzia (Como impulsar o uso do éuscaro nas empresas do municipio. A experiencia de Lasarte-Oria) ten como finalidade dar a coñecer o traballo realizado no mundo da empresa en xeral, ademais de desenvolver con amplitude o traballo realizado nas pequenas empresas do devandito municipio, con obxecto de que sexa de utilidade para os técnicos de normalización lingüística.
Fonte: Goberno Vasco
Patxi López intensifica a aprendizaxe do éuscaro ante a opción de ser lehendakari
Ao tempo que prepara a súa posible conquista da Lehendakaritza, o líder do PSE, Patxi López, afánase por aprender éuscaro. Recibe clases tres días á semana durante unha hora e media.
Fonte: El Correo Digital
Bilbao lanza un plan innovador para fomentar o emprego do éuscaro
Aprender éuscaro mentres facemos a compra, tomamos un café ou subimos ao monte cun amigo. Non é este o único atractivo que presenta Mintzakide ("interlocutor" en éuscaro), o plan para o perfeccionamento e o uso da lingua vasca que lanzou o Concello de Bilbao. Tamén a relación alumno-profesor resulta sorprendente, por inexistente.
Fonte: El País
O Departamento de Educación vasco destina 5,6 millóns a euscaldunizar docentes da rede privada
O Goberno vasco en funcións aprobou, na súa reunión semanal, unha subvención de 5,6 millóns para euscaldunizar docentes dos colexios privados.
Fonte: El Correo Digital
Reclaman que Patxi López derrogue tres decretos de éuscaro cando sexa lehendakari
A Plataforma pola Liberdade de Elección Lingüística do País Vasco considera que se Patxi López é lehendakari debe derrogar tres decretos que impoñen o éuscaro na escola vasca.
Fonte: EcoDiario
Créase un "selo" que avalía o uso do vasco nas relacións empresariais
Un "selo" distinguirá as empresas do País Vasco que usan o éuscaro no seu papel de envoltorio, na súa roupa de traballo ou nas mensaxes dos contestadores telefónicos.
Fonte: Expansión
O Consello Escolar do País Vasco rexeita o nivel de éuscaro que esixe Educación para o persoal non docente
A última reunión do Consello Escolar de Euskadi deixou patente os desacordos entre o Departamento de Educación, en mans de EA, e a área de Política Lingüística, que dirixe o PNV, pola esixencia do éuscaro a persoal educativo.
Fonte: El Correo Digital
O PP esixe a retirada do plan de uso do éuscaro no Instituto Foral de Benestar Social
O PP pedirá a retirada do plan de uso do éuscaro no Instituto Foral de Benestar Social xa que ao seu xuízo recolle unha serie de obrigas que «non están acordes coa realidade de Álava».
Fonte: El Correo Digital
O Concello de Ermua ofrece consellos na súa páxina web para impulsar o emprego do éuscaro
Os pais e nais de Ermua contan na páxina web do departamento municipal de Éuscaro con diversos consellos para fomentar o uso deste idioma desde a casa.
Fonte: El Correo Digital
O Concello de San Sebastián promove as compras en éuscaro en 1.600 comercios da cidade
O Concello distribuirá carteis con termos e frases en éuscaro a 1.600 establecementos de catro gremios diferentes -hostalería, froiterías e tendas de verduras, carnicerías e peixerías- para que, baixo o lema ¡Proba en éuscaro!, clientes e comerciantes se animen a utilizar esta lingua nas súas compras.
Fonte: Diario Vasco
Boletín
Subscríbase ao boletín
