País Vasco
O Concello de Soraluze pon en marcha un programa para impulsar a presenza do éuscaro no sector comercial
O Concello de Soraluze, a través do programa Euskera Merkatarizara, quere fomentar o uso do éuscaro nos establecementos comerciais e coñecer cal é a situación desta lingua no sector.
Fonte: Diario Vasco
O Goberno vasco destinará 1 650 000 euros a apoiar o uso e a presenza do éuscaro nas empresas
O Departamento de Cultura e Política Lingüística intenta que as empresas deseñen e xestionen os seus propios plans de éuscaro para fomentar o uso desta lingua.
Fonte: Finanzas.com
O Goberno vasco convoca axudas para a elaboración de materiais curriculares en éuscaro
O Goberno vasco aprobou unha orde pola que se convocan axudas para a elaboración de materiais curriculares en éuscaro destinados ao profesorado por un importe de 125 000 euros.
Fonte: El Diario
A RAG participa na constitución do Padroado de Honra do Centenario da Academia da Lingua Vasca
A RAG, representada polo seu presidente, Víctor Freixanes, participou en Bilbao na Constitución do Padroado de Honra do Centenario da Academia da Lingua Vasca ou Euskaltzaindia. Na súa intervención, o presidente da RAG avogou pola necesidade dun posicionamento común a prol da pluralidade lingüística do Estado español recoñecida constitucionalmente.
Fonte: RAG
As institucións responsables da política lingüística do País Vasco reflexionan sobre o uso do éuscaro
A Euskaltzaindia ou Real Academia da Lingua Vasca e a Fundación Sabino Arana destacan nun seminario en Bilbao a traxectoria que experimentou o coñecemento do éuscaro e reflexionan sobre o seu uso.
Fonte: Eitb
A Deputación de Guipúscoa quere que o éuscaro sexa lingua de traballo preferente
A Deputación de Guipúscoa acaba de aprobar o seu VI Plan de Normalización do Uso do Éuscaro co obxectivo de que esta lingua se converta en idioma de traballo preferente en todos os ámbitos da institución.
Fonte: El Diario Vasco
O Parlamento vasco aproba a Lei de formación profesional que impulsará o éuscaro e o inglés
O Parlamento vasco aproba a Lei de formación profesional que ten como obxectivo impulsar un modelo de ensinanza bilingüe en éuscaro e castelán e con maior presenza do inglés.
Fonte: Deia
A sociedade pública Osatek terá o seu propio plan de éuscaro
Osatek, dependente do Departamento de Saúde do Goberno vasco, asignará perfís lingüísticos ao seu persoal, contribuíndo así á normalización do éuscaro na sanidade e ao respecto aos dereitos lingüísticos da cidadanía.
Fonte: El Diario Vasco
Redactan un documento que recolle as bases para renovar a política lingüística no País Vasco
O documento Bases para a política lingüística de principios do século XXI é un relatorio que se porá en mans dos partidos políticos que sustenten o próximo Goberno vasco, así como das demais formacións, coa intención de que renoven o actual Plan xeral de promoción do uso do éuscaro, que xa ten dez anos.
Fonte: El País
O 40% da poboación de San Sebastián é xa euscaldún e o 33% non coñece o éuscaro
Catro de cada dez donostiarras xa son euscaldúns. Esta é a principal conclusión que ofrecen os datos do Eustat referidos ao período 2001-2006 que foron presentados pola concelleira de Igualdade, Política Lingüística e Cooperación de San Sebastián, Ainhoa Beola.
Fonte: Diario Vasco
Boletín
Subscríbase ao boletín
