A Deputación de Álava acaba de poñer en marcha un novo plan para normalizar o uso do éuscaro que incidirá na formación do persoal, pero tamén na utilización desta lingua nas campañas, actos públicos e contratacións que realiza a institución.

Fonte: Noticias de Álava

218 traballadores teñen que mellorar o seu nivel actual para seguir desempeñando as mesmas funcións que agora. Crearanse comisións para facer un seguimento do plan.

Fonte: Diario Vasco

Caja Vital asinou un convenio coa asociación Araba Euskaraz e coa Federación de Ikastolas deste territorio, mediante o cal a entidade financeira destinará 70.000 euros para a promoción do éuscaro a través de actividades lúdico-festivas, educativas, culturais e deportivas.

Fonte: Soitu

O Concello de Durango concederá a empresas e asociacións subvencións para a instalación de rótulos exteriores en éuscaro e para a creación de páxinas web neste idioma.

Fonte: Deia

O Goberno vasco en funcións aprobou un decreto para a habilitación de tradutores e intérpretes xurados co fin de "posibilitar a utilización do éuscaro e, ao mesmo tempo, situar esta lingua na vía para a súa equiparación co castelán" e outros idiomas.

Fonte: Deia

Na conferencia, celebrada durante os días 20 e 21 de abril, os expertos conclúen que a integración da lingua minorizada como lingua vehicular na educación é clave para garantir o bilingüismo.

Fonte: Linguamón

Un estudo reflicte que os falantes son cada vez máis novos, máis urbanos e con menos vínculos afectivos cara á lingua vasca. Ademais, o 37 % da poboación é bilingüe, cun total de 755.640 persoas.

Fonte: El Correo Digital

O presidente de Euskaltzaindia (a Real Academia da Lingua Vasca) asegurou que o éuscaro é un «valor compartido por todos, que se debe poñer en funcionamento» e que «non se predica contra ninguén, senón con todos».

Fonte: El Correo Digital

O 65,70 % dos cidadáns vascos castelanfalantes intentou aprender éuscaro nalgunha ocasión e o 55 % séntese "próximo ao mundo do éuscaro", mentres que menos do 10 % asegura que non lle interesa, segundo recolle o estudo 'Tópicos, prexuízos e actitudes da poboación castelanfalante ante o éuscaro' realizado por Unesco Etxea para a Viceconsellería de Política Lingüística do Goberno vasco.

Fonte: Europa Press

O Goberno vasco editou 21 dicionarios terminolóxicos en éuscaro, agrupados en seis materias: comercio e consumo, formación profesional e universitaria, novas tecnoloxías, Administración pública, abreviaturas, siglas e símbolos e medio natural.

Fonte: El País