País Vasco
Só o 12,7 % do profesorado aprobou o perfil lingüístico no País Vasco
Só o 12,69 % do profesorado presentado ás distintas probas do Programa IRALE para obter o perfil lingüístico no presente curso superaron o nivel correspondente.
Fonte: Finanzas
O modelo educativo A reforzarase con materias en éuscaro
O fracaso do modelo A como sistema para a aprendizaxe do éuscaro non vai supoñer a súa eliminación, senón o seu reforzo. De ser un modelo no que os alumnos cursan unha materia de éuscaro e o resto en castelán, pasará a incorporar máis materias cuxa docencia se imparta en lingua vasca.
Fonte: Diario Vasco
A educación en éuscaro consolídase en Álava e xa a elixe a metade dos alumnos de infantil
Nos últimos anos, o ascenso de matriculacións nas aulas de éuscaro en Álava foi lento pero constante. Sen ir máis lonxe, a partir de setembro un total de 15.979 alumnos de entre 0 e 16 anos optará por esta alternativa, un 41,6 % da xente nova en idade escolar.
Fonte: Noticias de Álava
Os concellos de Bermeo e Mundaka poñen en marcha unha iniciativa para permitir obter o carné de conducir en éuscaro
Os veciños de Bermeo e Mundaka poden prepararse para obter o permiso de conducir en éuscaro, a través dunha iniciativa posta en marcha polos concellos destas dúas localidades biscaíñas e varias autoescolas.
Fonte: Deia
Máis de 16.000 alumnos participan nos programas para promover o éuscaro
Máis de 16.000 alumnos de educación primaria e secundaria participaron durante este pasado curso nos programas organizados pola Área de Éuscaro do Concello de Bilbao nos centros escolares da vila, co obxectivo de fomentar o uso e o coñecemento do éuscaro e convertelo en lingua de comunicación cotiá das futuras xeracións.
Fonte: Deia
O Goberno vasco aumenta as axudas aos estudantes de éuscaro
O Goberno vasco destinará este ano un total de 1.850.000 euros ás axudas aos alumnos que superasen durante o curso 2008/2009 os exames de acreditación de niveis de éuscaro na rede de euskaltegis do Instituto para a euscaldunización e alfabetización de adultos, HABE ou os seus equivalentes, 550.000 euros máis que o ano pasado.
Fonte: EiTB
O tradutor automático do Instituto Cervantes incorpora o éuscaro
O servizo de tradución automática do Instituto Cervantes, que permite traducir textos e páxinas web do español ao catalán, galego, inglés, francés e portugués -e viceversa-, incorporou o éuscaro ás súas linguas de traballo, unha vez superados os desafíos lingüísticos e tecnolóxicos que presenta este idioma.
Fonte: Diario del Henares
A Real Academia da Lingua Vasca celebra o seu 90 aniversario en Bilbao con representantes da española, galega e catalá
A Real Academia da Lingua Vasca / Euskaltzaindia celebrou en Bilbao o seu 90 aniversario cun acto académico na súa sede, ao que acudiron como invitados representantes da Real Academia Española, da Real Academia Galega e da Secció Filològica do Institut d'Estudis Catalans.
Fonte: Europa Press
O Goberno vasco suspende a norma que establecía o éuscaro como lingua principal no ensino
O Boletín Oficial do País Vasco (BOPV) recolle unha orde do Departamento de Educación do Goberno vasco que suspende o apartado da normativa aprobada polo anterior Executivo que establecía o éuscaro como principal lingua vehicular no ámbito escolar.
Fonte: Europa Press
O Departamento vasco de Educación descarta agora dar clases en éuscaro no modelo A
O Departamento vasco de Educación descartou impartir materias unicamente en éuscaro aos alumnos que estudan no modelo A. A conselleira Isabel Celaá anunciou esta idea a finais de xuño, para permitir que os estudantes que cursan todas as materias en castelán puidesen alcanzar maior desenvoltura en lingua vasca.
Fonte: 20 minutos
Boletín
Subscríbase ao boletín
