País Vasco
A Deputación de Guipúscoa defende a legalidade de aplicar criterios lingüísticos en contratos públicos
A Deputación de Guipúscoa defendeu a legalidade de aplicar criterios lingüísticos nos contratos de carácter público e lamentou que a Avogacía do Estado poña “trabas” á normalización do éuscaro, debido a que, ao seu parecer, se trata dunha “ferramenta válida” para a súa normalización.
Fonte: Noticias de Gipuzkoa
Denuncian que un colexio da localidade de Murgia non ofrece o modelo educativo D de ensino integramente en éuscaro
O Observatorio de Dereitos Lingüísticos, Behatokia, denunciou que o colexio Escola Virxe de Ouro da localidade alavesa de Murgia non imparte o modelo de ensino D, o que obriga aos alumnos a desprazarse ao veciño municipio de Izarra.
Fonte: Deia
As ferramentas Windows 8 e Office 2013 xa están xa están dispoñibles en éuscaro
A Viceconsellería de Política Lingüística do Goberno vasco e Microsoft presentaron as novas ferramentas Windows 8 e Office 2013 en éuscaro, nun acto que se celebrou unha sala BBK de Bilbao, baixo o título de “Novas oportunidades a través das TIC”.
Fonte: El Diario
Inician unha campaña para promover o uso do éuscaro nas panaderías
Presentouse na Praza do Santo Cristo de Lezo a campaña para potenciar o uso do éuscaro nas panaderías e pastelerías da comarca de Oarsoaldea, que forma parte do programa de revitalización do éuscaro en distintos sectores comerciais impulsado polos catro concellos.
Fonte: Diario Vasco
O Concello de San Sebastián promove Mintzanet, unha ferramenta para practicar éuscaro en internet
Os presentadores de ETB Xabier Euzkitze e Kike Amonarriz, o actor Egoitz Lasa e o xogador de baloncesto David Doblas colaboraron con Mintzanet, un proxecto do Concello de Donostia que permite conversar en éuscaro a través de internet.
Fonte: EITB
Un estudo propón revisar os perfís de éuscaro ante a falta de sintonía entre a acreditación e o uso
Un estudo do Goberno Vasco propón revisar algúns aspectos do sistema de perfís lingüísticos ao constatar que existe unha “disfunción” entre o coñecemento acreditado polos empregados públicos e o uso que estes fan do éuscaro. E conclúe que un dos problemas radica en que a formación vai máis dirixida a superar a proba que a ensinar a lingua para o seu uso real.
Fonte: Diario Vasco
Barakaldo suprime por completo as subvencións ao estudo do éuscaro
As persoas que o pasado ano se sumaron á aprendizaxe do éuscaro en Barakaldo non recibirán ningunha axuda económica. O Concello anunciou a través dun pequeno comunicado na súa páxina web que este ano non haberá subvencións para facer máis accesible o estudo da lingua vasca.
Fonte: Deia
O Parlamento Europeo premia a Real Academia da Lingua Vasca
A Plataforma de Afectados pola Hipoteca (PAH) e Euskaltzaindia, a Real Academia da Lingua Vasca, foron galardoados co Premio Cidadán Europeo 2013, que concede o Parlamento Europeo (PE) anualmente “a persoas ou organizacións excepcionais que loiten polos valores europeos”.
Fonte: Noticias de Navarra
A Xunta de Galicia participa en Bilbao na asemblea xeral da Rede europea para a Promoción da Diversidade Lingüística
O secretario xeral de Política Lingüística, Valentín García, en representación da Consellería de Cultura, Educación e Ordenación Universitaria, participou na asemblea xeral da Rede para a Promoción da Diversidade Lingüística (en inglés, Network to Promote Linguistic Diversity, NPLD).
Fonte: Xunta de Galicia
Edítase ‘Ahozko Hiztegia’, o primeiro dicionario audible en éuscaro
Segundo informou a Universidade do País Vasco, grazas a esta ferramenta e, aplicando as regras acentuais impostas no éuscaro estándar e producidas por unha voz sintética, disponse de todas as entradas do dicionario para ser escoitadas.
Fonte: Noticias de Álava
Boletín
Subscríbase ao boletín
