País Vasco
O Goberno vasco recoñece "grandes carencias" no uso do éuscaro nas administracións
O viceconselleiro de Política Lingüística do Goberno vasco, Patxi Baztarrika, recoñeceu que seguen existindo "grandes carencias" no uso do éuscaro no ámbito laboral das administracións públicas de Euskadi, nas que os traballadores que poden desempeñar as súas funcións íntegra ou parcialmente en éuscaro representan arredor do 59 %.
Fonte: El Correo
O Concello de San Sebastián organiza un programa para que os escolares utilicen o éuscaro fóra das aulas
O Concello de San Sebastián volverá a pór en marcha o programa Haurrak Beti Jolasean para fomentar o uso do éuscaro fóra das aulas a través de xogos e actividades lúdicas.
Fonte: Diario Vasco
O concello de Beasain prorroga por outro ano o Plan Estratéxico do uso do éuscaro, aprobado en 2007
O Concello de Beasain aprobou o Plan Estratéxico do Plan Xeral de Promoción do Uso do Éuscaro (EBPN) para o período 2007-2011, alá por marzo de 2007. O Plan Estratéxico en si pretendía chegar a todos os ámbitos da poboación e da sociedade besaindarra: familia, colexios, institucións, empresas, medios de comunicación, entidades socioculturais, tempo libre, o ámbito relixioso, o deporte, as relacións sociais, entre outros.
Fonte: Diario Vasco
Un estudo constata que o modelo A propicia actitudes máis negativas cara ao éuscaro
Un estudo sobre as motivacións lingüísticas dos alumnos da ESO no País Vasco constata que os estudantes matriculados no modelo A, impartido en castelán co éuscaro como materia, propicia neles actitudes moito máis negativas cara á lingua vasca.
Fonte: ABC
Presentan o primeiro xogo en internet en éuscaro con formato trivial
A Fundación Azkue desenvolveu o primeiro xogo en liña en éuscaro con formato trivial, que permite xogar con seis usuarios ao mesmo tempo a través de 4800 preguntas sobre oito temas diferentes.
Fonte: El Mundo
A Deputación de Biscaia e as asociacións Eudel e AEK lanzan unha campaña para fomentar o éuscaro
A iniciativa Zatoz euskarara englóbase en dous obxectivos principais. Por unha parte, preténdese fomentar a matriculación de persoas adultas nos centros de ensino do éuscaro (ou euskaltegis) de Biscaia para o curso 2013-2014, e por outra, animar o alumnado e os colectivos que se "euskaldunizan" progresivamente a que utilicen a lingua na súa vida cotiá e en calquera ámbito social.
Fonte: Deia
Os desempregados donostiarras terán cursos gratuítos de éuscaro
As persoas en paro que estean empadroadas en Donostia poderán realizar cursos gratuítos de éuscaro o próximo curso académico. O Servizo de Éuscaro do Concello concederá aos centros de ensino do éuscaro (euskaltegis) as subvencións necesarias para organizaren eses cursos.
Fonte: Noticias de Gipuzkoa
O Concello de San Sebastián eleva o número de postos con perfil en éuscaro
O goberno donostiarra aprobará o V Plan para a Normalización do Uso do Éuscaro no Concello, que eleva de 781 a 951 o número de postos que teñen asignado un perfil lingüístico preceptivo, aos que hai adscritos 46 traballadores que deberán acreditar ese nivel.
Fonte: Diario Vasco
O 63 % dos vascos ten coñecementos de éuscaro, tres puntos máis que en 2006
O Instituto Vasco de Estatística, Eustat, precisou que se inclúe entre este grupo de poboación tanto os 790 000 euscaldúns que entenden e falan ben a lingua como os 542 000 “cuasi-euscaldúns”, que teñen un nivel de comprensión bo ou regular pero recoñecen ter dificultades para falar.
Fonte: Noticias de Álava
Organizan un concurso de postais de verán en éuscaro para fomentar esta lingua
Verán, postais, escritura e éuscaro son os elementos que combina a iniciativa de Jardun para animar a escribir unhas liñas e facelo en éuscaro, idioma no que se centran os seus esforzos. Convocaron a segunda edición dun concurso de postais de verán en éuscaro.
Fonte: Diario Vasco
Boletín
Subscríbase ao boletín
