País Vasco
Segundo un estudo, o éuscaro vén do dogón
A investigación do filólogo Xaime Martín Martín, á que dedicou doce anos, baséase nunha comparación entre o éuscaro e o dogón, que é falado en Malí por arredor de 250 000 persoas. A comparación estrutural do éuscaro con tres dos catorce dialectos mogón "mostrou exactamente a mesma orde de palabras na frase", asegura Ruiz.
Fonte: Cadena Ser
O Concello de Leioa prepara o seu Plan de promoción do éuscaro
Leioa xa ten apuntalado o seu novo Plan de promoción do éuscaro, unicamente faltan uns retoques para que o equipo de goberno o presente ante o pleno do Concello para que este decida sobre a súa aprobación. Trátase dunha folla de ruta que recolle os obxectivos e plans de acción para fortalecer o idioma, que se realizarán entre este 2013 e 2017.
Fonte: Deia
Habilitan unha páxina web que mostra todas as noticias e actividades relacionadas co éuscaro en Durango
O principal obxectivo desta iniciativa impulsada pola Mancomunidade da Merindad de Durango e pioneira a nivel comarcal é aglutinar nun mesmo espazo todos os recursos existentes en Durangaldea para que, quen así o desexe, poida vivir nesta lingua dun modo pleno.
Fonte: Deia
O Concello de Pasaia impulsará o uso do éuscaro nos comercios
A todos aqueles establecementos que se comprometan de forma oficial co Concello a atender o cliente en éuscaro entregaráselle o adhesivo 'Prest! Euskaraz bizitzeko, eskatu euskaraz', co fin de que a coloque no establecemento e así o cliente poida identificar onde o poden atender en éuscaro.
Fonte: Diario Vasco
A Sociedade para a Promoción e Reconversión Industrial promoverá a operativa en éuscaro en ordenadores, tablets e móbiles
A Sociedade para a Promoción e Reconversión Industrial (SPRI) organizou xornadas de traballo en Biscaia e Guipúscoa para promover entre os falantes en éuscaro as claves para “euscaldunizar” os seus ordenadores, tablets e móbiles e os seus sistemas operativos e aplicacións informáticas.
Fonte: Diario Vasco
Unha campaña impulsará o uso do éuscaro no sector hoteleiro, hostaleiro e adegueiro arabés
A Deputación de Áraba puxo en marcha a campaña ‘Xiro Onean’, dirixida a impulsar a presenza e uso do éuscaro no sector socioeconómico de Áraba, incluíndo “de forma progresiva” esta lingua na paisaxe lingüística dos estabelecementos de hostalería do territorio e na documentación dirixida aos clientes.
Fonte: La Vanguardia
O servizo vasco de garantía dos dereitos lingüísticos recibiu un 15 % máis de queixas que en 2011
O servizo para a garantía dos dereitos lingüísticos, Elebide, rexistrou o ano pasado 340 queixas, consultas e suxestións, o que supón un aumento do 15 % máis que en 2011.
Fonte: Euskara
A iniciativa Mintzagun animará a crear espazos nos que poder utilizar o éuscaro
Para moitos alumnos e para aquelas persoas que acaban de aprender éuscaro, o euskaltegi é o único espazo do que dispoñen para falar este idioma. Dispostos a dar resposta a esta necesidade, os concellos crearon a iniciativa Mintzagun, que trata de «salientar, reforzar e promover a dimensión social da euscaldunización» en toda a comarca de Oarsoaldea.
Fonte: Diario Vasco
O Goberno vasco destina 400 000 euros a impulsar o fomento do éuscaro no País Vasco francés
O Goberno vasco asinou en Baiona (Francia) o acordo anual de colaboración co Organismo Público do Éuscaro no País Vasco francés que detalla as liñas de actuación para desenvolver en 2013 en colaboración entre as dúas institucións, en materia de Política Lingüística, así como os 400 000 euros que destinará aos axentes que traballan en favor do éuscaro no País Vasco francés.
Fonte: Expansión
O Departamento vasco de Educación revisará os modelos lingüísticos do ensino para mellorar o dominio do éuscaro
A viceconselleira de Educación, Arantza Aurrekoetxea, explicou que o Goberno vasco traballa nunha proposta de revisión do sistema de modelos lingüísticos dirixida a que os alumnos melloren as súas competencias en éuscaro ao finalizar do ensino obrigatorio.
Fonte: El Mundo
Boletín
Subscríbase ao boletín
