A actitude ‘euskaltzale’ ou favorable á promoción do éuscaro duplica as posicións reticentes ao impulso desta lingua, segundo se recolle no estudo ‘O éuscaro na Comunidade Autónoma do País Vasco: competencia, uso e opinión’, presentado polo Goberno vasco.

Fonte: 20 minutos

O Goberno vasco adxudicou xa a maioría das subvencións, o 82 %, para o apoio a iniciativas de fomento do éuscaro no País Vasco, ao que destinará un total de 9 984 300 euros.

Fonte: El Mundo

Entre as funcións e tarefas destes técnicos, salienta o poder axudar aos concellos e cuadrillas do territorio e aos concellos do Condado de Treviño, así como a estruturas dependentes destes e a asociacións, a fomentar e aumentar o uso do éuscaro. Tamén persegue promover o coñecemento e o uso do éuscaro entre os axentes do territorio que o soliciten, así como ofrecer un servizo de traducións para os axentes do territorio que así o demanden, ademais de coordinar e colaborar no desenvolvemento de actividades e programas recollidos no Plan Xeral de Promoción e Uso do Éuscaro.

Fonte: El Diario

O Concello de Tolosa deu outro paso máis a prol da normalización lingüística do éuscaro, tras asinar acordos de colaboración co euskaltegi Goiztiri AEK e a asociación Hitzaro Euskara Elkartea.

Fonte: Diario Vasco

Os membros do colectivo Euskalgune ofrecerán durante a semana grande de Bilbao diversas actividades en éuscaro que se caracterizarán por ser “participativas e accesibles para todos” co obxectivo de promover o éuscaro durante os festexos.

Fonte: El Correo

O Departamento de Éuscaro do Concello de Irún abriu o período de solicitude dirixido ás persoas que estudaran éuscaro no curso 2012-2013 (de outubro de 2012 a setembro de 2013). Para ter acceso a estas axudas hai que ter cumpridos os 16 anos e poderanse beneficiar ata os estudantes que acaben os seus curso con data de 30 de setembro de 2013.

Fonte: Diario Vasco

Este programa, posto en marcha polo Concello de Irún e os centros escolares, fusiona o deporte e o éuscaro e está destinado ao alumnado de 3º, 4º, 5º e 6º de Primaria.

Fonte: Diario Vasco

As persoas desempregadas que estean empadroadas en San Sebastián poderán realizar cursos gratuítos de éuscaro o próximo curso, grazas ás subvencións do Servizo de Éuscaro do Concello donostiarra.

Fonte: Diario Vasco

Un grupo de eibarreses trata de formar un grupo amplo de voces para cantar cancións en éuscaro. En principio, non existía en Eibar grupo ningún específico dedicado a cantar cancións en éuscaro e agora baixo o nome Eibar Kantu Zaleak trátase de reunir os amantes dos temas musicais vascos, de cara á formación deste primeiro grupo.

Fonte: Diario Vasco

A aceleradora de proxectos tecnolóxicos e desenvolvementos web Ideateca acaba de pór en marchar unha aplicación para dispositivos móbiles que permite conxugar os verbos en éuscaro. A aplicación gratuíta –denominada Aditzak.com- está desenvolvida en colaboración co filólogo vitoriano Garikoitz Knörr e complementa o uso da ferramenta por internet Aditzak.com.

Fonte: Basque Research