País Vasco
O programa ‘Ikusi eta ikasi’ promoverá o uso do éuscaro entre os rapaces bilbaínos
A X edición do programa ‘Ikusi eta Ikasi’, que ten como obxectivo promover o uso do éuscaro entre os nenos bilbaínos, desenvolverase en centros municipais, colexios e salóns de toda a vila, con más de 40 actos destinados a menores de entre 2 e 8 anos.
Fonte: El Diario
Estudantes participan nun programa do Concello de Barakaldo para a promoción do éuscaro a través do teatro
O Concello de Barakaldo puxo en marcha o programa Antzerkhizkuntza, que vai dirixido aos alumnos de 2º de Educación Secundaria Obrigatoria (ESO) –é dicir, a rapaces entre 13 e 14 anos- e mestura a promoción da lingua vasca co teatro.
Fonte: Europa Press
O Concello de Errenteria organiza cursos gratuítos de éuscaro para desempregados
O Concello de Errenteria organizou varios cursos intensivos gratuítos de éuscaro para as persoas en paro empadroadas na localidade.
Fonte: Diario Vasco
O rock máis visual alíase coa poboación de Lemoa para fomentar o éuscaro
O Plan de éuscaro 2013-2017 do Concello de Lemoa saíuse do habitual. O documento inclúe medidas que, ademais de facilitar o uso da lingua vasca, fomentan a implicación dos veciños do municipio. A ritmo de rock, o grupo local Larregi asina unha canción que, entoada por residentes na urbe, aspira a converterse en máis que un himno.
Fonte: El Correo
O Currículo Vasco daralles máis autonomía aos centros e asentará o plurilingüismo
O novo Currículo Vasco empeza a tomar forma. Daralles máis autonomía aos centros, impulsará o plurilingüismo co éuscaro como eixe e as tecnoloxías da información, tratará a dimensión específica da lingua e cultura vascas no contexto mundial, ao tempo que desenvolverá ao máximo a educación por competencias.
Fonte: Deia
O Concello de San Sebastián destina 2,5 millóns de euros ao éuscaro, un 2,5 % máis que en 2013
O Concello de San Sebastián incrementou nun 2,5 % o orzamento para o departamento de éuscaro ata acadar os 2,5 millóns de euros, unha suma na que salienta a partida dedicada ao Plan de acción para aumentar o uso desta lingua en todos os ámbitos que ascende a 828 000 euros.
Fonte: Diario Vasco
O Concello de Pasaia pon a disposición dos comerciantes materiais gratuítos en éuscaro para as rebaixas
O Departamento de Éuscaro do Concello de Pasaia lémbralles aos comerciantes que, ademais da axuda que ofrece para pór en éuscaro os avisos e escritos, tamén ten á súa disposición, «de forma totalmente gratuíta», os carteis de rebaixas e outros materiais que se utilizan nesta época.
Fonte: Diario Vasco
O Goberno vasco garantirá a atención en éuscaro nos seus servizos aos cidadáns
Garantir o dereito dos cidadáns a que poidan escoller o idioma oficial que desexen na súa relación coa Administración e construír un bilingüismo sostible e equilibrado. Estes son os obxectivos que se marcou o Goberno vasco á hora de desenvolver o quinto Plan xeral de normalización do uso do éuscaro, que terá unha vixencia de cinco anos.
Fonte: Deia
Destinan 800 000 euros para promover o uso do éuscaro en ámbitos non formais, en especial o tempo de lecer
O Departamento vasco de Educación, Política Lingüística e Cultura destinará 814 200 euros á realización de proxectos destinados a promover e consolidar o uso do éuscaro en ámbitos non formais, en especial os que se desenvolven no tempo de lecer.
Fonte: El Diario
Os condutores dos autobuses donostiarras deberán acreditar que poden atender os viaxeiros en éuscaro
Os novos condutores da empresa municipal Dbus deberán acreditar que saben atender os viaxeiros en éuscaro, polo que o exame de acceso terá unha parte en lingua vasca e outra, en castelán.
Fonte: Noticias de Gipuzkoa
Boletín
Subscríbase ao boletín
